ભોપાલ ગેસ દુર્ઘટનાના પીડિતોના વળતરમાં વધારો કરવાની માંગ કરતી અરજી પર હવે સુપ્રીમ કોર્ટે પોતાનો ચુકાદો આપ્યો છે. સુપ્રીમ કોર્ટે 7400 કરોડ રૂપિયાના વધારાના વળતર માટે કેન્દ્ર સરકારની અરજીને ફગાવી દીધી છે. SCએ 12 જાન્યુઆરીએ દુર્ઘટના પીડિતોને વળતર વધારવાના મામલે ચુકાદો અનામત રાખ્યો હતો. ભોપાલ ગેસ દુર્ઘટનાના પીડિતોને વધારાના વળતર માટે કેન્દ્ર સરકાર વતી ક્યુરેટિવ પિટિશન દાખલ કરવામાં આવી હતી. અરજીમાં કેન્દ્ર સરકારે ગેસ દુર્ઘટનાના પીડિતોને 7,400 કરોડ રૂપિયાના વધારાના વળતરની માંગ કરી હતી. ગેસ દુર્ઘટનાના પીડિતોને વધારાના વળતરના મામલામાં કેન્દ્ર સરકારની ક્યુરેટિવ પિટિશન પર 5 જજની બેન્ચે આજે પોતાનો ચુકાદો આપ્યો છે.. વધારાના વળતર અંગે, દુર્ઘટના પીડિતો વળતર વધારવા માટે લાંબા સમયથી માંગ કરી રહ્યા હતા.
અગાઉ, ભોપાલ ગેસ દુર્ઘટનામાં મૃત્યુ પામેલા અને ઘાયલ થયેલા લોકોનો આંકડો 3,000 હોવાનો અંદાજ હતો, તેથી કેન્દ્ર સરકારે 7,844 કરોડ રૂપિયાના વધારાના વળતરની માંગ કરી હતી. ક્યૂરેટિવ પિટિશનમાં યુનિયન કાર્બાઇડના દોષિત અધિકારીઓને સખત સજાની માંગ કરવામાં આવી હતી, જેઓ કથિત રીતે ભોપાલ અકસ્માતમાં થયેલી ગફલતથી સંપૂર્ણપણે વાકેફ હતા.
શું છે ભોપાલ ગેસ દુર્ઘટના?
3 ડિસેમ્બર, 1984ના રોજ ભોપાલમાં એક મોટો અકસ્માત થયો હતો. જેમાં યુનિયન કાર્બાઈડમાં ઝેરી ગેસ લીકેજ થવાને કારણે હજારો લોકોએ જીવ ગુમાવ્યા હતા. એ સમયે મૃત્યુઆંક 3,000 કરતાં ઓછો હોવાનો અંદાજ હતો. ભોપાલ ગેસ દુર્ઘટના માટે લડતા કાર્યકરોનો અંદાજ છે કે લગભગ 8,000 થી 10,000 લોકો આ દુર્ઘટનામાં મૃત્યુ પામ્યા હતા. યુનિયન કાર્બાઈડના પ્રમુખ વોરેન એન્ડરસન આ કેસના મુખ્ય આરોપી હતા. એન્ડરસન ભારતમાં કાનૂની કાર્યવાહીમાંથી ભાગી છૂટવામાં સફળ થયા હતા. આ કેસમાં ભોપાલની કોર્ટે કંપની સાથે જોડાયેલા 7 લોકોને દોષિત ઠેરવ્યા છે. યુનિયન કાર્બાઇડના ચેરમેન વોરેન એન્ડરસનનું 2014માં અવસાન થયું હતું.