કાઠમંડુઃ નેપાળમાં અત્યારે ભયાનક પૂર આવ્યું છે, જેના કારણે ભારે તારાજી સર્જાઈ છે. સૂત્રો દ્વારા મળતી જાણકારી પ્રમાણે, આ ભયંકર પૂરના કારણે અત્યાર સુધીમાં 162 લોકોના મોત થયા છે અને 750 થી વધુ લોકો ગુમ થયા છે. રાહત અને બચાવ કામગીરી ચાલુ છે, પરંતુ મૃત્યુઆંક વધી રહ્યો છે. ગુમ થયેલા લોકોમાં 130 ભારતીયો પણ સામેલ હોવાનું જાણવા મળ્યું છે. આમાંથી મોટાભાગના ભારતીયો માનસરોવર યાત્રા પર ગયા હતા. અત્યારે બચાવકાર્ય શરૂ કરી દેવામાં આવ્યું છે. પૂરમાં ફસાયેલા ભારતીયોના પરિવાર જનો માટે હેલ્પલાઈન નંબર પણ જાહેર કરવામાં આવ્યાં છે.
ભયાનક પૂરે અનેક ગામોને તબાહ કરી નાખ્યાં
સોશિયલ મીડિયામાં વાયરલ થયેલા વીડિયોમાં તારાજીની દ્વશ્યો જોઈ શકાય છે. પૂર આવ્યું ત્યારે લોકો ભાગવા લાગ્યાં હતાં, પરંતુ પાણી અચાનક આવ્યું હોવાના કારણે લોકોને વધારે સમય મળી શક્યો નહોતો. આ પૂર તિબેટથી આવ્યું છે. જેણે વચ્ચે આવેલા અનેક ગામોને તબાહ કરી નાખ્યાં છે. અનેક પૂલ પણ પણ તણાઈ ગયાં છે. આ પૂરના કારણે એક ડઝન હાઇડ્રોપાવર પ્રોજેક્ટ્સને નુકસાન થયું હોવાનું પણ જાણવા મળ્યું છે.
નેપાળ-તિબેટ ક્ષેત્રમાં અચાનક આવેલા પૂરનો વધુ એક વીડિયો, લોકો પોતાના જીવ બચાવવા માટે ભાગતા જોવા મળ્યાં#Nepal #Flood #FloodDisaster #FloodUpdate pic.twitter.com/NQaY5NWhGT
— Vimal Prajapati GJ (@mgvimal_12) August 27, 2026
ભારતીયોના પરિવારજનો માટે હેલ્પલાઈન નંબર જાહેર
નેપાળમાં અચાનક આવેલા પૂરના કારણ 130 થી વધારે ભારતીયો લાપતા થયાં હોવાનું જાણવા મળ્યું છે. આ સાથે અનેક લોકો હજી પણ પૂરમાં ફસાયેલા હોવાનું પણ જાણવા મળ્યું છે. જેથી ભારતીય દૂતાવાસ દ્વારા તમિલનાડુ, પશ્ચિમ બંગાળ, કેરળ, રાજસ્થાન અને ઉત્તર પ્રદેશ સહિત અનેક રાજ્યોના પ્રભાવિત અને પૂરમાં ફસાયેલા ભારતીયોના પરિવારજનો માટે હેલ્પલાઈન નંબર જાહેર કર્યો છે.
रसुवा जिल्लामा आएको बाढी अपडेट (मितिः २०८३।०५।११ गते ०५:०० बजेसम्म) pic.twitter.com/kGLbhO3unl
— Nepal Police (@NepalPoliceHQ) August 27, 2026
નેપાળ પોલીસે 162 લોકોના મોતની પુષ્ટિ કરી
નેપાળ પોલીસ દ્વારા આ પૂર અંગે સોશિયલ મીડિયામાં પોસ્ટ કરવામાં આવી છે, અને આ પૂરના કારણે 162 લોકોના મોત થયાં હોવાનું જણાવ્યું છે. આ સાથે 81 લોકો વિવિધ હોસ્પિટલમાં સારવાર હેઠળ છે. જ્યારે નેપાળ સરકારના આંકડા પ્રમાણે પૂરના કારણે 500 લોકો લાપતા થયાં છે. મૂળ વાત એ છે કે, નેપાળ આ પૂરના કારણે ભારે પ્રભાવિત થયું છે. આ પૂરના ભારતીયો પર પણ અસર થઈ છે. અત્યારે સોશિયલ મીડિયામાં આ પૂરના અનેક વીડિયો શેર કરવામાં આવી રહ્યાં છે.
