ભુજઃ કચ્છમાં એસીબી દ્વારા ભ્રષ્ટ કર્મચારીઓ સામે લાલઆંખ કરવામાં આવી છે. સીમાવર્તી રાપર તાલુકાની સેલારી જૂથ ગ્રામ પંચાયતના મહિલા તલાટી કમ મંત્રી અલ્પાબેન રમેશ પટેલને રૂપિયા ૧,૦૦૦ની લાંચ સ્વીકારતા રંગેહાથ ઝડપી પાડવામાં આવ્યા હતી
મૂળ મહિસાગર જિલ્લાના અને હાલ રાપરમાં રહેતા મહિલા તલાટી અલ્પા પટેલ સામે પંચાયતમાં નોંધો પાડવા તથા વેરા ભરવા જેવી વિવિધ કામગીરી પેટે રૂપિયા ૨૦૦થી ૫,૦૦૦ સુધીના ગેરકાયદે ઉઘરાણાં કરાતાં હોવાની ફરિયાદો મળી હતી.
સેલારી જૂથ ગ્રામ પંચાયત, તા.રાપર, જી. કચ્છ ખાતે ફરજ બજાવતા તલાટી કમ મંત્રી અલ્પાબેન D/o રમેશભાઈ પટેલ રૂ. ૧,૦૦૦/- ની લાંચ લેતા ઝડપાયા.@sanghaviharsh @PIYUSH_270871 @DeepakMeghani@InfoGujarat @HARESHM38109376 @BaldevD11469478 #ACBGujarat #Gujarat #FightAgainstCorruption pic.twitter.com/75fGOZJxYY
— ACB Gujarat (@ACBGujarat) August 12, 2026
આ અંગે એસીબીએ એક જાગૃત નાગરિકની મદદથી પંચાયત કચેરી ખાતે છટકું ગોઠવ્યું હતું. હયાતીના હક્કની નોંધ પાડવાના કામ અર્થે તલાટીએ માંગેલી રૂપિયા ૧,૦૦૦ની લાંચ સ્વીકારતાં જ સરકારી પંચોની હાજરીમાં એસીબી ટીમે તેમને દબોચી લીધા હતા તેમ પૂર્વ કચ્છ એસીબી પીઆઈ જે.બી.ચૌધરીએ જણાવ્યું હતું.
(ઉત્સવ વૈદ્ય)
