Sat Nov 07 2026

Logo

તમારા નંબર પરથી કોઈ બીજું તો નથી ચલાવતું ને વોટ્સએપ? આ રીતે જાણો બે મિનિટમાં...

2026-10-30 20:14:57
Author: Darshana Visaria
તમારા નંબર પરથી કોઈ બીજું તો નથી ચલાવતું ને વોટ્સએપ? આ રીતે જાણો બે મિનિટમાં...

AI


આજના સમયમાં WhatsApp માત્ર મેસેજિંગ પૂરતું સીમિત નથી, પરંતુ પર્સનલ ચેટ્સ, પ્રાઈવેટ ડોક્યુમેન્ટ્સ અને કુટુંબ-મિત્રોના મહત્વના કોન્ટેક્ટ સાથે જોડાયેલું છે. જો કોઈ અજાણી વ્યક્તિ તમારા WhatsApp એકાઉન્ટનો એક્સેસ મેળવી લે, તો તમારી ઓળખનો દુરુપયોગ થવાનું, ફાઈનાન્શિયલ ફ્રોડ થવાનું કે તમારા નામે અન્ય લોકોને વાંધાજનક મેસેજ જવાનું જોખમ વધી જાય છે. જો તમને પણ શંકા છે કે તમારું એકાઉન્ટ કોઈ અન્ય વ્યક્તિ ચલાવી રહી છે અથવા અચાનક તમારો એક્સેસ જતો રહ્યો છે, તો ગભરાયા વગર નીચે આપેલા તાત્કાલિક પગલાં ભરીને તમે ફરીથી નિયંત્રણ મેળવી શકો છો.

તાત્કાલિક પરિવાર અને મિત્રોને જાણ કરો
જો એકાઉન્ટ હેક થયાની કે બીજા કોઈ દ્વારા વપરાશ થવાની શંકા હોય, તો સૌથી પહેલાં ફોન કોલ કે અન્ય માધ્યમથી તમારા નજીકના મિત્રો અને પરિવારજનોને ચેતવી દો. તમારા નંબર પરથી કોઈ પૈસા માંગે કે શંકાસ્પદ લિંક મોકલે તો તેના પર વિશ્વાસ ન કરવાની સ્પષ્ટ સૂચના આપો.

તમારા ફોનમાં ફરીથી લોગ-ઈન કરો (અન્ય ડિવાઇસ આપોઆપ લોગ-આઉટ થશે)
તમારા સ્માર્ટફોનમાં WhatsApp ઓપન કરો અને ફરીથી તમારો મોબાઈલ નંબર દાખલ કરો.
SMS અથવા કોલ દ્વારા આવતો 6 ડિજિટનો વેરિફિકેશન કોડ દાખલ કરો.
જેમ જ તમે તમારા ફોનમાં સાચો 6 ડિજિટનો કોડ નાખશો, તેમ જ તમારા એકાઉન્ટમાં લૉગ-ઇન થયેલું બીજું કોઈપણ અજાણ્યું ડિવાઇસ આપોઆપ લૉગ-આઉટ થઈ જશે. આ વેરિફિકેશન કોડ ક્યારેય કોઈ સાથે શેર કરવો નહીં.

ટુ-સ્ટેપ વેરિફિકેશન PIN માંગે તો શું કરવું?
જો હેકરે તમારા એકાઉન્ટ પર 'Two-Step Verification' ચાલુ કરી દીધું હોય, તો ફરી લોગ-ઈન કરતી વખતે WhatsApp તમારી પાસે PIN માંગશે. જો તમને આ PIN ખબર ન હોય, તો તમારે સાત દિવસ સુધી રાહ જોવી પડી શકે છે. જોકે, તમે છ ડિજીટનો SMS કોડ નાખી દીધો હોવાથી સામેવાળી વ્યક્તિના ડિવાઇસમાંથી એકાઉન્ટ તરત જ બંધ થઈ જશે.

‘Block Unknown Account Messages’ ફીચર ચાલુ કરો
અજાણ્યા એકાઉન્ટ્સ પરથી આવતા સ્પામ કે બલ્ક મેસેજિંગને રોકવા માટે WhatsAppમાં નવું સિક્યોરિટી ટૂલ ઉપલબ્ધ છે.
સેટિંગ કરવા માટે WhatsApp ખોલો > Settings > Privacy > Advancedમાં જાઓ અને ‘Block unknown account messages’ ઓપ્શન ઓન કરી દો. આ ફીચર અસામાન્ય રીતે વધુ પ્રમાણમાં આવતા અજાણ્યા મેસેજિસને રોકે છે. જો કોઈ ચોક્કસ નંબર તમને પરેશાન કરી રહ્યો હોય, તો તેની ચેટ ઓપન કરીને સીધો Block & Report કરી દો.

ચેટ હિસ્ટ્રી અને ડેટા સિક્યોરિટી
એન્ડ-ટુ-એન્ડ એન્ક્રિપ્શન: WhatsApp સંપૂર્ણપણે એન્ડ-ટુ-એન્ડ એન્ક્રિપ્ટેડ છે. તેથી જો કોઈ વ્યક્તિ તમારા એકાઉન્ટનો ગેરકાયદે એક્સેસ મેળવે, તો પણ તે તમારી જૂની જૂની ચેટ્સ વાંચી શકતી નથી.
જો તમે Google Drive કે iCloud પર બેકઅપ રાખેલું હશે, તો એકાઉન્ટ રિકવર થયા બાદ તમારો જૂનો ચેટ ડેટા સુરક્ષિત રીતે પાછો મેળવી શકાશે.
જો તમે નવું સિમ કાર્ડ લીધું હોય તો જૂના નંબરને બદલવા માટે હંમેશાં WhatsApp ના સત્તાવાર Change Number ફીચરનો જ ઉપયોગ કરવો.

વધુ જુઓ...