દુબઈના એશિયા કપમાં પાકિસ્તાનની ઓપનર્સે પાંચમી 27 રનના કુલ સ્કોર સુધી ભારતીય બોલર્સનો સારો સામનો કર્યો હતો, પણ એ ઓવરમાં સ્પિનર શેફાલી વર્માએ પ્રથમ વિકેટ અપાવી એ સાથે પાકિસ્તાનની ટીમનો ધબડકો શરૂ થયો હતો. 27મા રને મુનીબા અલી ક્લીન બોલ્ડ થયા બાદ 28મા રને ગુલ ફિરોઝાને સ્પિનર શ્રી ચરનીએ ઝીરો પર જ પૅવિલિયન ભેગી કરી હતી. 29મો રન હજી માંડ બન્યો ત્યાં તો શવાલ ઝુલ્ફિકારને શ્રી ચરનીએ જ એલબીડબ્લ્યૂ કરી હતી. 32મા રને ફરી એક વખત શ્રી ચરની ત્રાટકી હતી અને આયેશા ઝફરને કૅચઆઉટ કરાવી હતી. 35મા રને સદફ શમાસને સ્પિનર પ્રેમા રાવતે ક્લીન બોલ્ડ કરીને પૅવિલિયનનો રસ્તો બતાવ્યો હતો. સદફ હજી તો ડગઆઉટ જઈને માંડ બેઠી ત્યાં તો 35મા રનના કુલ સ્કોર પર કૅપ્ટન ફાતિમા સનાએ પણ ટીમનું નાક કપાવ્યું. સ્પિનર દીપ્તિ શર્માએ તેને એલબીડબ્લ્યૂ કરી હતી.

દુબઈમાં ભેજવાળા વાતાવરણ વચ્ચે સ્પિનરોને વધુ ફાયદો કરાવે એવી પિચ પર ભારત અને પાકિસ્તાનની મહિલા ટીમ વચ્ચે ટી-20 એશિયા કપ મુકાબલો શરૂ થવાની તૈયારીમાં છે. કાઉન્ટ-ડાઉન શરૂ થઈ ગયું છે અને ટૉસ થાય એ પહેલાં બન્ને ટીમની ખેલાડીઓ ભરપૂર પ્રૅક્ટિસ કરી ચૂકી છે. એશિયા કપના ટી-20 મુકાબલાઓમાં ભારત સામે પાકિસ્તાન સાતમાંથી ફકત એક જ મૅચ જીત્યું છે એ જોતાં હરમનપ્રીત કૌરની ટીમ જબરદસ્ત આત્મવિશ્વાસ સાથે રમશે. ભારતની ટીમ સેમિ ફાઇનલમાં પહોંચી ગઈ છે.

અમદાવાદ શહેરની ઘી કાંટા સ્થિત મેટ્રોપોલિટન કોર્ટ, લાલ દરવાજા સેશન્સ કોર્ટ, ભદ્ર કોર્ટ અને સોલા હાઈકોર્ટ સહિતના મહત્વપૂર્ણ કોર્ટ પરિસરોને બોમ્બથી ઉડાવી દેવાની ઈમેઈલ મારફતે ધમકી મળતાં જ ભારે અફરાતફરી મચી ગઈ છે.

ઈરાનના ખાર્ગ ટાપુ પાસે શનિવારે વિસ્ફોટોના અવાજો સંભળાયા હતા. ખાર્ગ ટાપુ પર્શિયન અખાતમાં આવેલું એક મુખ્ય ઓઇલ ટર્મિનલ છે.  આ વિસ્ફોટોનું કારણ હજુ સુધી જાણી શકાયું નથી.

કેરળના ત્રિશૂર જિલ્લામાં શુક્રવારે અડધી રાતે એક ભીષણ માર્ગ અકસ્માત થયો. આ રોડ એક્સિડન્ટમાં તમિલનાડુના 8 એન્જીનિયરિંગ સ્ટુડન્ટના મોત થઇ ગયા. પોલીસના જણાવ્યા અનુસાર સ્ટુડન્ટની કાર હાઇવે પર ઉભેલી એક ટ્રક સાથે ટકરાઇ. ટક્કર એટલી જોરદાર હતી કે કાર ખરાબ રીતે ક્ષતિગ્રસ્ત થઇ ગઇ. તેમાં સવાર તમામ 8 એન્જીનિયરિંગ સ્ટુડન્ટના મોત થઇ ગયા.

રાજ્યમાં લાંબા સમયથી મેઘરાજાએ વિરામ લીધો છે. છેલ્લા 24 કલાકમાં રાજ્યના 23 તાલુકામાં વરસાદ વરસ્યો હતો. વલસાડના કપરાડામાં સૌથી વધુ 0.87 ઇંચ વરસાદ નોંધાયો હતો.