નાગોયા (જાપાન): એશિયન ગેમ્સમાં બેડમિન્ટનમાં આજનો દિવસ ભારત માટે નિરાશાજનક રહ્યો. ભારતનો બેડમિન્ટન પડકાર સમાપ્ત થયો. ભારતને ચાર અલગ અલગ ઇવેન્ટમાં હારનો સામનો કરવો પડ્યો. મિક્સ ડબલ્સમાં તનિષા ક્રાસ્ટો અને ધ્રુવ કપિલા અને મહિલા ડબલ્સમાં ત્રિશા જોલી અને ગાયત્રી ગોપીચંદની જોડી ક્વાર્ટર ફાઇનલમાં હાર સાથે બહાર થઈ ગઈ હતી.

તનિષા ક્રાસ્ટો-ધ્રુવ કપિલા અને ત્રિશા જોલી-ગાયત્રી ગોપીચંદની જોડી બહાર થઈ ગઈ હતી. ત્યારબાદ ઉન્નતિ હુડાને અકાને યામાગુચીએ ત્રણ ગેમમાં હાર મળી હતી. આ પછી ઉન્નતિ હુડાને પણ મહિલા સિંગલ્સમાં વિશ્વની ત્રીજા નંબરની જાપાનની અકાને યામાગુચી સામે હારનો સામનો કરવો પડ્યો. 

ઉન્નતિએ લડત આપી પરંતુ નિર્ણાયક ગેમમાં 17-21 થી હારી ગઈ હતી. અનુભવી પીવી સિંધુને ક્વાર્ટર ફાઇનલમાં વિશ્વની ચોથી ક્રમાંકિત ખેલાડી ચીનની ચેન યુ ફેઇ સામે 21-11, 18-21, 10-21થી હારનો સામનો કરવો પડ્યો. સિંધુએ પહેલી ગેમ જીતી હતી પરંતુ પછીની બે ગેમ હારી ગઈ અને બહાર થઈ ગઈ હતી.

મિક્સ ડબલ્સમાં તનિષા ક્રાસ્ટો અને ધ્રુવ કપિલાનો સામનો વિશ્વની નંબર વન ચીની જોડી ફેંગ યાન્ઝે અને હુઆંગ ડોંગપિંગ સામે થયો. ભારતીય જોડી 21-14, 18-21, 21-18થી હારી ગઈ હતી. ચીની જોડીએ પહેલી ગેમમાં મિડ-ગેમ બ્રેક પર 11-9ની લીડ મેળવી અને પછી મેચ 21-14થી જીતી લીધી. 

શરૂઆતની ગેમ હાર્યા બાદ તનિષા અને ધ્રુવે વાપસી કરી અને બીજી ગેમ 21-18થી જીતીને મેચને નિર્ણાયક ગેમમાં લઈ ગઈ. નિર્ણાયક ગેમમાં ફેંગ અને હુઆંગે શરૂઆતમાં 12-6ની લીડ મેળવી. ભારતીય જોડીએ વાપસી કરી અને અંતરને બે પોઈન્ટ સુધી ઘટાડ્યું, પરંતુ ચીની જોડીએ દબાણ જાળવી રાખ્યું અને 21-18 થી ગેમ જીતીને સેમિફાઇનલમાં સ્થાન મેળવ્યું હતું.

મહિલા ડબલ્સમાં વર્લ્ડ ચેમ્પિયનશિપ બ્રોન્ઝ મેડલ વિજેતા ત્રિશા જોલી અને ગાયત્રી ગોપીચંદનો સામનો વિશ્વની પાંચમી નંબરની મલેશિયન જોડી પર્લી ટેન અને થિના મુરલીધરન સાથે થયો. ભારતીય જોડીએ પ્રથમ ગેમમાં મલેશિયનોને સખત લડાઈ આપી. બંને જોડી લાંબા સમય સુધી નજીક રહી પરંતુ અંતે ટેન અને મુરલીધરને મેળવેલા ચાર ગેમ પોઈન્ટમાંથી બેમાં રૂપાંતર કરીને 21-18 થી ગેમ જીતી લીધી. 

બીજી ગેમમાં ત્રિશા અને ગાયત્રીએ 3-0 થી લીડ મેળવી, પરંતુ પછી સતત નવ પોઈન્ટ ગુમાવ્યા. મલેશિયન જોડીએ આનો લાભ ઉઠાવ્યો અને બીજી ગેમ 21-9 થી જીતીને સેમિફાઇનલમાં સ્થાન મેળવ્યું હતું.