નવી દિલ્હીઃ નવી દિલ્હીમાં બુધવારે મોડી રાતે એક ચોંકાવનારી ઘટના સામે આવી હતી. એક વાહનચાલક મહિલા આયોગની અધ્યક્ષાની છેડતી કરીને તેની કાર સાથે ઢસડીને લઈ ગયો હોવાની માહિતી મળી રહી છે. જોકે, પોલીસે આરોપીની ધરપકડ કરી લીધી છે.
દિલ્હી મહિલા આયોગના અધ્યક્ષા સ્વાતિ માલિવાલે ટ્વીટ કરીને આ બાબતની માહિતી આપી હતી. તેમણે ટ્વીટમાં લખ્યું હતું કે ઘટના દિલ્હીની એમ્સ નજીક બની હતી. ગઈ કાલે મોડી રાતે હું દિલ્હીમાં મહિલાઓની સુરક્ષા માટે શું શું પગલાં લેવામાં આવી રહ્યા છે એ વિશેની માહિતી લઈ રહી હતી. એ જ સમયે એક કારચાલક નશાની હાલમાં આવ્યો અને તેણે મારી છેડતી કરી. જ્યારે મેં બારીમાંથી તેને પકડવાની કોશિશ કરી તો તેણે કારના કાચ બંધ કરીને તેણે કાર સ્ટાર્ટ કરી હતી. આ તો ભગવાને મારો જીવ બચાવ્યો છે. દેશની રાજધાની દિલ્હીમાં જો મહિલા આયોગની અધ્યક્ષા જ સુરક્ષિત ના હોય તો બાકીની મહિલાઓની સુરક્ષિતતા વિશે વિચારો ખાલી…
कल देर रात मैं दिल्ली में महिला सुरक्षा के हालात Inspect कर रही थी। एक गाड़ी वाले ने नशे की हालत में मुझसे छेड़छाड़ की और जब मैंने उसे पकड़ा तो गाड़ी के शीशे में मेरा हाथ बंद कर मुझे घसीटा। भगवान ने जान बचाई। यदि दिल्ली में महिला आयोग की अध्यक्ष सुरक्षित नहीं, तो हाल सोच लीजिए।
— Swati Maliwal (@SwatiJaiHind) January 19, 2023
અત્રે ઉલ્લેખનીય છે કે આ જ વર્ષની શરુઆતમાં દિલ્હીમાં કંજાવાલા કેસમાં પણ આરોપીઓએ અંજલિ શર્મા નામની યુવતીને કાર સાથે 11-12 કિલોમીટર ઢસડીને લઈ ગયા હતા અને આ ઘટનામાં અંજલિનું મૃત્યુ થઈ ગયું હતું. થોડાક સમય પહેલાં લખનઉમાં એક ટુવ્હીલરચાલકે વૃદ્ધને એકાદ કિલોમીટર સુધી ઘસડીને લઈ જવાની ઘટનાનો વીડિયો પણ સોશિયલ મીડિયા પર વાઈરલ થયો હતો.