નીરજ ચોપડાએ લુસાને ડાયમંડ લીગ જીતી ઇતિહાસ સર્જ્યો

દેશ વિદેશ

સ્વિટ્ઝર્લેન્ડ: ઓલિમ્પિક ચેમ્પિયન ભાલા ફેંક ખેલાડી નીરજ ચોપડાએ શુક્રવારે એક વધુ સિદ્ધિ મેળવી હતી. લુસાને ડાયમંડ લીગ ૨૦૨૨ જીતનારો તે પ્રથમ ભારતીય બન્યો હતો. તેણે ૮૯.૦૮ મીટર દૂર ભાલો ફેંકી પોતાના પ્રથમ થ્રો સાથે જ ડાયમંડ લીગ જીતી લીધી હતી. અગાઉ વિકાસ ગૌડા ડાયમંડ લીગમાં ટોપ-થ્રીમાં સ્થાન મેળવનારા એક માત્ર ભારતીય હતા.
તાજેતરમાં જ વર્લ્ડ એથ્લેટિક્સ ચેમ્પિયનશિપમાં હરિયાણાના આ ખેલાડીએ ભારતને રજતચંદ્રક અપાવ્યો હતો. જોકે, આ ચેમ્પિયનશિપ દરમ્યાન તેને ઇજા પહોંચતા
એ પગ પર પટ્ટી બાંધતો નજરે પડ્યો હતો. આ ઇજાને કારણે એ કૉમનવેલ્થ ૨૦૨૨માં ભાગ લઇ શક્યો ન હતો. ૨૦૧૮માં યોજાયેલી કોમનવેલ્થ ગેમ્સમાં તેણે સુવર્ણ ચંદ્રક મેળવ્યો હતો.
લુસાને ડાયમંડ લીગ જીતનારા ૨૪ વર્ષના આ ખેલાડીએ આ સાથે જ સપ્ટેમ્બરમાં જ્યૂરિચ ખાતે રમાનારી ડાયમંડ લીગની ફાઇનલમાં પણ પહોંચી ગયો છે અને હંગેરીના બુડાપેસ્ટમાં યોજાનારી વિશ્ર્વ ચેમ્પિયનશિપ માટે પણ ક્વોલિફાય કર્યું છે.

 

પ્રતિશાદ આપો

તમારું ઇમેઇલ સરનામું પ્રકાશિત કરવામાં આવશે નહીં.