મુંબઈગરાઓ આજથી મુસાફરી કરશે એસી ડબલ ડેકર બસમાં ! જુઓ કેવી છે બસ…

છેલ્લા ઘણા દાયકાઓથી મુંબઈકરોને અવિરત સેવા પૂરી પાડતી ‘બેસ્ટ’એ વધુ એક સેવા શરૂ કરી છે. મુંબઈની પહેલી એસી ઇલેક્ટ્રિક ડબલ ડેકર બસ આજથી (21 ફેબ્રુઆરી) દોડશે. પ્રથમ ડબલ-ડેકર ઇલેક્ટ્રિક એસી બસ ઇકો-ફ્રેન્ડલી, સસ્તી અને અનુકૂળ મુસાફરી પૂરી પાડવા માટે CSMT અને NCPA વચ્ચે દોડશે. આ વધુ આરામદાયક અને આધુનિક બસ થોડા દિવસો પહેલા જ બેસ્ટના કાફલામાં સામેલ કરવામાં આવી છે. આ બસ સોમવારથી શુક્રવાર સુધી બસ રૂટ નંબર A-115 પર છત્રપતિ શિવાજી મહારાજ ટર્મિનસથી NCPA સુધી દોડશે. આ બસમાં મુસાફરી કરવા માટે મુંબઈકરોએ પ્રથમ પાંચ કિલોમીટર માટે છ રૂપિયા ચૂકવવા પડશે. આ એસી ઇલેક્ટ્રિક ડબલ ડેકર બસને શનિવાર અને રવિવારે સવારે 9 વાગ્યાથી આખા દિવસની હેરિટેજ ટૂર માટે ચલાવવામાં આવશે. માર્ચના અંત સુધીમાં, 50 ડબલ ડેકર એસી ઇલેક્ટ્રિક બસો બેસ્ટ તરફથી લોકોની સેવામાં સામેલ કરવામાં આવશે. બેસ્ટ પાસે 45 નોન-એસી ડબલ ડેકરનો કાફલો છે. આ બસો ડીઝલ પર ચાલે છે. તે જૂનના અંત સુધીમાં તબક્કાવાર બંધ થઈ જશે. ઇ-ડબલ ડેકર બસો લીઝ પર ખરીદવામાં આવશે