મહારાષ્ટ્રના પુણે જિલ્લાના એક દૂરના ગામમાં સ્થિત એક શાળા હાલમાં સમાચારમાં છે કારણ કે તે 250,000 અમેરિકન ડોલરના વિશ્વના શ્રેષ્ઠ શાળા પુરસ્કારો માટેના ત્રણ ફાઇનલિસ્ટમાંની એક છે. યુનાઇટેડ કિંગડમમાં શરૂ કરવામાં આવેલા આ ઇનામોનો હેતુ વિશ્વભરની શાળાઓનું સમાજની પ્રગતિમાં યોગદાન જાણવાનો અને તેમને સન્માનિત કરવાનો અને શાળાઓની શ્રેષ્ઠ પ્રથાઓને શેર કરવાનો છે જે લોકોના જીવનમાં સકારાત્મક પરિવર્તન લાવી રહી છે.

બોપખેલ ગામમાં સ્થિત, સંસ્થા પિંપરી ચિંચવાડ મ્યુનિસિપલ કોર્પોરેશન (PCMC) અંગ્રેજી માધ્યમ શાળા છે અને હવે તે ‘કમ્યુનિટી કોલાબોરેશન કેટેગરી’માં પબ્લિક એડવાઇઝરી વોટ રાઉન્ડમાં આગળ વધી છે. મહારાષ્ટ્રની આ શાળાએ લોકો વચ્ચે ગાઢ સંબંધો સ્થાપિત કર્યા છે. શાળા એનજીઓ આકાંક્ષા ફાઉન્ડેશન અને સ્થાનિક સરકાર વચ્ચે જાહેર ખાનગી ભાગીદારી તરીકે ચલાવવામાં આવે છે. આ શાળામાં અભ્યાસ કરતા મોટાભાગના વિદ્યાર્થીઓ ઓછી આવક ધરાવતા પરિવારોના છે.

યુકે સ્થિત ડિજિટલ મીડિયા પ્લેટફોર્મ T4 એજ્યુકેશને આ વર્ષની શરૂઆતમાં સ્કૂલ એવોર્ડની સ્થાપના કરી હતી. T4 એજ્યુકેશને જણાવ્યું હતું કે PCMC સ્કૂલ ઘણી સારી પ્રથાઓ શરૂ કરી છે. સ્કૂલ સ્થાનિક ડોકટરો, દુકાનદારો અને ધાર્મિક આગેવાનો સાથે મળીને એવા પ્રોગ્રામ બનાવવામાં મદદ કરે છે, જે માતાપિતાની આર્થિક જરૂરિયાતો પૂરી કરે. શાળાએ લોકો માટે ફ્રી મેડિકલ ચેકઅપનો કાર્યક્રમ શરૂ કર્યો છે અને ગામના પરિવારોને સ્વસ્થ અને સંતુલિત આહાર વિશે શિક્ષિત કરવા માસ્ટર શેફ શૈલીના વર્ગો પણ શરૂ કર્યા છે. સ્કૂલના વિદ્યાર્થીઓને રોજ એક ફળ ખાવાની સૂચના આપવામાં આવી છે. તેમને હેલ્ધી ફૂડ વિશે માહિતી આપવામાં આવી છે અને તેમનો પોતાનો ભોજન પ્લાન બનાવવાનું જણાવવામાં આવ્યું છે. માતા-પિતાએ પણ હવે બાળકોના ભોજન પ્લાનનું પાલન કરવાનું શરૂકરી દીધું છે અને તેમના જીવનમાં સકારાત્મક બદલાવ પણ જોવા મળી રહ્યો છે.

Google search engine