ફિલ્મ ‘ભૂલ ભુલૈયા 3’નું ટીઝર રિલીઝ
અભિનેતા કાર્તિક આર્યન તેની ફિલ્મ ‘શહેજાદા’ માટે ખૂબ જ ચર્ચામાં છે. જોકે, અભિનેતાની ફિલ્મ બોક્સ ઓફિસ પર કંઈ ખાસ કમાલ કરી શકી નથી. દરમિયાન, અભિનેતા વિશે ફરી એકવાર ચર્ચાઓ તેજ થઈ ગઈ છે. ફિલ્મ ‘ભૂલ ભુલૈયા 3’ને લઈને એક મોટું અપડેટ સામે આવ્યું છે. મેકર્સે ફિલ્મ ‘ભૂલ ભુલૈયા 3’ના ત્રીજા ભાગ (ભૂલ ભુલૈયા 3 ટીઝર)ની જાહેરાત કરી દીધી છે અને હવે ભૂલ ભુલૈયા 3નું ટીઝર રિલીઝ કરવામાં આવ્યું છે. કાર્તિકે પોતાના સોશિયલ મીડિયા દ્વારા ફિલ્મ ‘ભૂલ ભૂલૈયા 3’નું ટીઝર રિલીઝ કર્યું છે. ટીઝરની શરૂઆત કાર્તિક આર્યનના પાત્ર રૂહ બાબાથી થાય છે. ગત વખતની જેમ આ વખતે પણ કાર્તિક દર્શકોને ડરાવતો અને હસાવતો જોવા મળશે. ફિલ્મ ‘ભૂલ ભુલૈયા 3’નું ટીઝર જોઈને ચાહકો ખૂબ જ ખુશ છે. હવે લોકો કાર્તિકની ફિલ્મ ‘ભૂલ ભુલૈયા 3’ની આતુરતાથી રાહ જોઈ રહ્યા છે. ફિલ્મનું ટીઝર શેર કરતી વખતે અભિનેતા કાર્તિકે એક કેપ્શન પણ લખ્યું છે. અભિનેતાએ લખ્યું છે કે- ‘રુહ બાબા રિટર્ન્સ દિવાળી 2024’ એટલે કે ‘ભૂલ ભુલૈયા 3’ આવતા વર્ષે દિવાળીના અવસર પર સિનેમાઘરોમાં રિલીઝ થશે. નોંધનીય છે કે વર્ષ 2022માં કાર્તિક આર્યનની ‘ભૂલ ભુલૈયા 2’ પણ જોરદાર હિટ ફિલ્મોમાં સામેલ હતી. તેમજ ‘ભૂલ ભુલૈયા 2’એ બોક્સ ઓફિસ પર શાનદાર 185 કરોડ રૂપિયાની કમાણી કરી હતી.
