મંગળવારની રાતે દિલ્હી-NCR સિવાય દેશના અનેક રાજ્યોમાં ભૂકંપના આંચકા અનુભવાયા હતા. જમ્મુ-કાશ્મીરમાં પણ ભૂકંપની અસર જોવા મળી હતી. મીડિયા રિપોર્ટ્સ અનુસાર, પૃથ્વી લગભગ 40 સેકન્ડ સુધી ધ્રૂજી હતી. આ બધા વચ્ચે સોશિયલ મીડિયા પર એક વીડિયો વાઈરલ થઈ રહ્યો છે જેમાં ધરતીકંપના આંચકાઓ વચ્ચે હિંમત હાર્યા વિના સર્જરી ચાલુ રાખી હતી. આ વાઈરલ વીડિયોને લોકો ખૂબ જ પસંદ કરી રહ્યા છે અને ડોક્ટરની બહાદુરીના વખાણ કરી રહ્યા છે.
ભૂકંપના આંચકાથી ગભરાયેલા લોકોએ ઉતાવળમાં ગમે તે પરિસ્થિતિ હોય તેઓ પોતાના ઘર અને ઓફિસમાંથી બહાર આવી ગયા હતા. પરંતુ આ બધાની વચ્ચે કેટલાક લોકો એવા પણ હતા જેઓ પોતાનો જીવ બચાવવા દોડવાને બદલે બીજાનો જીવ બચાવવા માટે પોતાનું કામ કરતા રહ્યા. આવો જ એક વીડિયો વાયરલ થઈ રહ્યો છે.
આ વાઈરલ વીડિયો જમ્મુ-કાશ્મીરના અનંતનાગની છે. જે સમયે અહીં ભૂકંપ આવ્યો હતો તે સમયે બિજબિહારની સબ ડિસ્ટ્રિક્ટ હોસ્પિટલમાં ડોક્ટરો ઓપરેશન કરી રહ્યા હતા. જો કે જોરદાર ભૂકંપના આંચકા હોવા છતાં, ડોકટરો અને પેરામેડિક્સ ટીમે હિંમત ન ગુમાવી અને સર્જરી કરવાનું ચાલુ રાખ્યું હતું. CMO અનંતનાગે તેમના ટ્વિટર પર એક વીડિયો શેર કરીને સર્જરી કરી રહેલી ટીમને આ બહાદુરી માટે અભિનંદન પાઠવ્યા હતા.
અત્રે ઉલ્લેખનીય છે કે મંગળવારે રાત્રે ઉત્તર ભારતમાં ભૂકંપના જોરદાર આંચકા અનુભવાયા હતા, જેના કારણે લોકોમાં ગભરાટ અને ભય ફેલાયો હતો. લગભગ 40 સેકન્ડ સુધી આંચકા અનુભવાયા હતા. યુએસ જિયોલોજિકલ સર્વિસિસના જણાવ્યા અનુસાર, 6.5ની તીવ્રતાના આ ભૂકંપનું કેન્દ્ર અફઘાનિસ્તાનના હિન્દુકુશ ક્ષેત્રથી 40 કિમી દક્ષિણ-દક્ષિણ પૂર્વમાં હતું. ભૂકંપ લગભગ 190 કિલોમીટરની ઊંડાઈએ આવ્યો હતો.
ભારતના નેશનલ સેન્ટર ફોર સિસ્મોલોજીએ 6.6 અને 10.17.27ના રોજ ભૂકંપની તીવ્રતા નોંધી હતી. ઉત્તરી અફઘાનિસ્તાનમાં ફૈઝાબાદથી 133 કિમી દક્ષિણ-પૂર્વમાં ભૂકંપનું કેન્દ્ર છે. કાશ્મીરથી લઈને દિલ્હી-NCR સુધી સમગ્ર ઉત્તર ભારતમાં ભૂકંપના જોરદાર આંચકા અનુભવાયા હતા. લોકો ગભરાઈને ઘરની બહાર નીકળી ગયા હતા…
Emergency LSCS was going-on at SDH Bijbehara Anantnag during which strong tremors of Earthquake were felt.
Kudos to staff of SDH Bijbehara who conducted the LSCS smoothly & Thank God,everything is Alright.@HealthMedicalE1 @iasbhupinder @DCAnantnag @basharatias_dr @DHSKashmir pic.twitter.com/Pdtt8IHRnh— CMO Anantnag Official (@cmo_anantnag) March 21, 2023
