આવનારા દિવસોમાં તમારી સવારની ચાની ચુસ્કી કડવી બની શકે છે. બિસ્કિટ-કૂકીઝથી લઈને મીઠાઈઓ અને ઠંડા પીણાં મોંઘા થઈ શકે છે. આનું કારણ ખાંડનો વધી રહેલો ભાવ છે. વિશ્વભરના ફ્યુચર માર્કેટમાં ખાંડના ભાવ છ વર્ષની ઊંચી સપાટીએ ટ્રેડ થઈ રહ્યા છે.
જો અન્ય દેશોમાં ખાંડના ભાવ વધે તો ભારત પણ તેનાથી અલગ નહીંરહી શકે. ઉત્પાદનમાં વધારો થવા છતાં ભારતમાં છેલ્લા એક વર્ષમાં છૂટક બજારમાં ખાંડ 10 ટકા સુધી મોંઘી થઈ છે. જે બાદ સરકારે ખાંડની નિકાસ પર નિયંત્રણો લાદી દીધા હતા.
ભારતમાં શેરડીનો પાક નબળો પડવાની સંભાવના છે. આ કારણે સરકારે નિકાસ પર પ્રતિબંધ લગાવવાની જરૂર પડી શકે છે. કેન્દ્ર સરકાર ઇથેનોલ મિક્સ પેટ્રોલને પ્રોત્સાહન આપી રહી છે. 20 ટકા ઇથેનોલ મિશ્રિત પેટ્રોલના વેચાણને પ્રોત્સાહન આપવામાં આવી રહ્યું છે. આવી સ્થિતિમાં ખાંડ મિલો હવે શેરડીમાંથી ઇથેનોલ બનાવવા પર વધુ ભાર આપી રહી છે, જેના કારણે ખાંડનું ઉત્પાદન ઓછું થવાની ધારણા છે.
ચીન કોરોનાના કારણે લાદવામાં આવેલા પ્રતિબંધો હટાવી રહ્યું છે જેના કારણે ત્યાં ખાંડની માંગ વધી રહી છે. યુરોપના દેશોમાં દુષ્કાળના કારણે પાક નિષ્ફળ જવાની સંભાવના છે. અને જો કોઈ કારણસર બ્રાઝિલમાં ખાંડના ઉત્પાદનમાં ઘટાડો થાય, તો ખાંડના ભાવમાં ભારે વધારો થઈ શકે છે.
તમારી સવારની ચાની ચુસ્કી થશે ફિક્કી, આ છે કારણ…
