થાણે વિસ્તારની ભીડ દૂર કરવા, બે મહિનામાં વિકાસ કામો પૂર્ણ કરવા મુખ્ય પ્રધાનનો આદેશ

મુખ્ય પ્રધાન શિંદે થાણે શહેર અને તેની આસપાસના વિસ્તારોમાં ટ્રાફિકની ગીચતા દૂર કરવા પ્રયત્નશીલ છે. તેમણે થાણેના વિવિધ વિકાસ કાર્યો અંગે વિધાનસભા ભવન ખાતે યોજાયેલી બેઠકમાં માહિતી આપી હતી. મુખ્ય પ્રધાન એકનાથ શિંદેએ ગુરુવારે થાણે શહેર અને તેની આસપાસના વિસ્તારોમાં ટ્રાફિકની ભીડની સમસ્યાને હલ કરવા માટે ચોમાસા પહેલાં બે મહિનાની અંદર હાઇવે, કનેક્ટિંગ રસ્તાઓ અને પુલોના સમારકામને પૂર્ણ કરવાનો આદેશ આપ્યો હતો. તેમણે થાણે શહેરમાંથી પસાર થતા સર્વિસ રોડને હાઈવે સાથે જોડવાનો આદેશ પણ આપ્યો હતો. શિંદે થાણે શહેર અને તેની આસપાસના વિસ્તારોમાં ટ્રાફિક ગીચતા દૂર કરવા અને વિવિધ વિકાસ કાર્યો અંગે વિધાનસભા ભવન ખાતે યોજાયેલી બેઠકમાં ઉપસ્થિત રહ્યા હતા. આ પ્રસંગે થાણે પોલીસ કમિશનર જયજિત સિંહ, થાણે, નવી મુંબઈ, કલ્યાણ ડોમ્બિવલી, મીરા ભાયંદર, પનવેલ, ભિવંડી, ઉલ્હાસનગર મ્યુનિસિપલ કમિશનર, થાણે, રાયગઢ કલેક્ટર પણ હાજર હતા. આ બેઠકમાં મુંબ્રા બાયપાસ, ઘોડબંદર રોડથી ગાયમુખ, ખારેગાંવ, સાકેત પુલના સમારકામ અને થાણે શહેર અને આસપાસના નાસિક, અમદાવાદ હાઇવે પરના કામો અંગે વિગતવાર સમીક્ષા કરવામાં આવી હતી. થાણે વિસ્તારમાં વિવિધ ઈન્ફ્રાસ્ટ્રક્ચર પ્રોજેક્ટ ચાલી રહ્યા છે. સાથે સાથે શહેર અને હાઇવેને જોડતા માર્ગો અને પુલોના સમારકામની કામગીરી પણ ચાલી રહી છે. આ કામોને કારણે નાગરિકોને અગવડતા ન પડે તેનું ધ્યાન રાખવામાં આવે અને આ તમામ કામો આગામી ચોમાસા પહેલા બે માસમાં પૂર્ણ થાય તે માટે કાર્યવાહી કરવામાં આવે, એવો મુખ્ય પ્રધાને આદેશ આપ્યો હતો અને જણાવ્યું હતું કે નેશનલ હાઈવે, મેટ્રો, એમએસઆરડીસી, એમએમઆરડીએ, પબ્લિક વર્કસ, ટ્રાફિક પોલીસ, મ્યુનિસિપલ વર્કસ વિભાગના અધિકારીઓએ આ કામો સંકલનથી પૂર્ણ કરવા જોઈએ. આ બેઠકમાં જવાહરલાલ નેહરુ પોર્ટ ખાતે ભારે વાહનો માટે પાર્કિંગની જગ્યા અંગે પણ વાત કરવામાં આવી હતી. જોઈએ. મુખ્યપ્રધાને ટ્રાફિક વોર્ડનની સંખ્યા વધારવા જણાવ્યું હતું અને ટ્રાફિક વોર્ડનની સંખ્યા વધારવા સૂચન કર્યું હતું. શિંદેએ હાઈવે પર ક્રેનની સુવિધા વધારવા પર ભાર મૂક્યો હતો જેથી ભારે વાહન તૂટી પડે તો ટ્રાફિક જામ ન થાય.