આ સપ્તાહના ગ્રહયોગો અને ખગોલિક સ્થિતિ
ગ્રહ સંકેત -વિનોદ રાવલ
આ સપ્તાહની શરૂઆતના દિવસે સૂર્ય અને મંગળનો ત્રિકોણયોગ બને છે. સાયથ બુધ અને હર્ષલ પણ ત્રિકોણમાં છે. આ સપ્તાહમાં સૂર્ય અને હર્ષલ કેન્દ્રયોગ કરે છે અને બુધ અને મંગળ પણ કેન્દ્રયોગમાં છે.
આ દિવસોમાં કુદરતી હોનારત, જેવી ધરતીકંપ, વાવાઝોડું, વરસાદની સાથે આતંકવાદી હુમલા, સરકાર તરફી નવી જાહેરાત, સરકામાં ટેન્સન, પડોશી દેશોમાં આતંરિક બબાલ, બોર્ડર ઉપર તનાવ જોવા મળે.
આ ગ્રહયોગો બજારને કઇ દિશા આપશે તે જોઇએ…
શૅરબજાર: શૅરબજારમાં સપ્તાહની શરૂઆત નરમાઇથી થઇ શકે છે અને શરૂઆતના દિવસોમાં ઝડપી અને મોટી વેચવાલી આવી શકે છે. અને સેન્સેક્સ અને નિફટીમાં નરમાઇ જોવા મળે. સપ્તાહના મધ્યના દિવસોમાં નફારૂપી લેવાલી આવી શકે છે. બજારમાં સામાન્ય મજબૂૂતાઇ જોવા મળે. પણ આ ઉછાળામાં વેચીને વેપાર ગોઠવવો. સપ્તાહનાં અંતિમ દિવસોમાં ફરી મંદીવાળાનું જોર રહે અને બજારમાં વેચવાલી આવી શકે છે. અને બજારમાં નરમાઇ જોવા મળે. અંતિમ દિવસોમાં નિફટી અને સેન્સેક્સમાં નરમાઇ જોવા મળી.
એકંદરે આ બજારમાં મંદીવાળાની પક્કડ રહે.
આ સપ્તાહમાં ફાઇનાન્સ, ઓટો, રિલાયન્સ, બૅન્ક, ફાઇનાન્સ સેકટરમાં વધઘટ જોવા મળી શકે.
સોના-ચાંદી: આ સપ્તાહમાં સોના-ચાંદીમાં નરમાઇ જોવા મળી શકે છે. સોના અને ચાંદી વાયદા હાજરમાં આ સપ્તાહના શરૂઆતનાં દિવસથી જ બજારમાં વેચીન વેપાર ગોઠવવાથી લાભ મળી શકે છે. ખાસ ચાંદીમાં વેચીને વેપાર કરવો લાભદાયી રહે. સપ્તાહના શરૂઆતના દિવસોમાં અને મધ્યના દિવસોમાં બજારમાં વેચવાલી આવી શકે છે. સપ્તાહની મધ્યમાં નફારૂપી લેવાલી આવતા ભાવમાં સામાન્ય મજબૂતાઇ જોવા મળે. નફો બુક કરતાં જવો. બજારમાં નરમ ધ્યાન રાખીને વેપાર કરવો. પણ વધઘટ બન્ને સાઇડ આવી શકે છે માટે નફો બુક કરતાં જવો. આ સપ્તાહમા દરેક ઊંચા ભાવે વેચીને વેપાર કરવો લાભદાયી થઇ શકે છે. સપ્તાહનાં અંતિમ દિવસોમાં સોના-ચાંદીમાં બેતરફી બજાર જોવા મળે.
ક્રૂડ ઑઇલ: આ સપ્તાહમાં ક્રૂડ ઑઇલમાં મજબૂત ભાવ જોવા મળે. ક્રૂડ ઑઇલમાં શરૂઆતના દિવસથી સ્ટોક કરીને તેજીનો વેપાર ગોઠવવો. આ સપ્તાહના શરૂઆત દિવસોમાં સ્ટોક કરીને તેજીનો વેપાર ગોઠવતાં જવો. સપ્તાહની મધ્યના દિવસમાં બજાર બેતરફી ચાલ બતાવી શકે છે. આ સપ્તાહમાં શરૂઆતના દિવસોથી મજબૂત ધ્યાન રાખીને વેપાર કરવો. સપ્તાહના અંતિમ દિવસો સુધી તેજીનો વેપાર રાખી શકાય. સપ્તાહના અંંતિમ દિવસોમાં નવી લેવાલી આવતાં બજાર મજબૂત રહી શકે છે. આ સપ્તાહમાં ક્રૂડ ઑઇલમાં મજબૂત ભાવ રહી શકે છે.
કૉમોડિટી: કૉમોડિટી બજારમાં મજબૂત ભાવ જોવા મળી શકે છે. સિંગતેલ, કપાસિયાં તેલ, તેલીબિયાં અને દિવેલમાં સપ્તાહની શરૂઆત મજબૂત ભાવથી થાય છે. સપ્તાહની શરૂઆતના દિવસથી જ તેજી ધ્યાન રાખીને વેપાર ગોઠવતાં જવો. આ સપ્તાહમાં તેલ તેલીબિયાં, કપાસિયાં, એરંડા, દિવેલ, તેલમાં તેજી ધ્યાન રાખીન વેપાર દરેક ભાવે કરવો. સપ્તાહના મધ્યના દિવસો સુધી સ્ટોક કરતાં જવું લાભદાયી રહે. આ દિવસોમાં એકાદ દિવસ બજારમા સામાન્ય નરમાઇ અથવા સાંકડી વધઘટ જોવા મળે. પણ મંદીનો વેપાર કરવો નહીં. કપાસિયાં, એરંડા અને દિવેલ, તેલમાં આ સપ્તાહમાં નવી લેવાલી આવતા હાજર અને વાયદામાં મજબૂતાઇ જોવા મળે.
