મુંબઈ: વૈશ્ર્વિક વિનિમય બજારમાં ડૉલર ઈન્ડેક્સમાં નરમાઈ સાથે લંડન મેટલ એક્સચેન્જ ખાતે તાજેતરમાં કોપર સહિતની ચોક્કસ ધાતુઓમાં સુધારાતરફી વલણ રહેતું હોવાના નિર્દેશો સાથે સ્થાનિક જથ્થાબંધ ધાતુ બજારમાં પણ આજે ખાસ કરીને કોપરની વેરાઈટીઓ, બ્રાસ યુટેન્સિલ્સ સ્ક્રેપ અને ઝિન્ક સ્લેબમાં સુધારાતરફી વલણ રહ્યું હતું, જ્યારે નિકલ, ટીન અને લીડ ઈન્ગોટ્સમાં સ્ટોકિસ્ટોની છૂટીછવાઈ વેચવાલી અને સાર્વત્રિક સ્તરેથી માગ નિરસ રહેતાં ભાવમાં અનુક્રમે કિલોદીઠ રૂ. ૨૫, રૂ. ૧૩ અને રૂ. બેનો ઘટાડો આવ્યો હતો. આ સિવાય બ્રાસ શીટ કટિંગ્સ અને એલ્યુમિનિયમમાં ખપપૂરતી માગને ટેકે ભાવમાં ટકેલું વલણ રહ્યું હતું.