લખનઉ: આજે અભદ્ર ટિપ્પણી કરવા બદલ સમાજવાદી પાર્ટી (સપા)ના ટિવટર એડમીન મનિષ જગનની લખનઉ પોલીસ દ્વારા ધરપકડ કરવામાં આવી હતી. તેમની વિરૂદ્ધ લખનઉના હજરતગંજ પોલીસ સ્ટેશનમાં ત્રણ ગુના નોંધાયેલા છે. જેના વિરોધમાં સપાના અધ્યક્ષ અખિલેશ યાદવ પોલીસ મુખ્યાલય પહોંચી ગયા હતા.
તેમણે કહ્યું કે સરકારની તાનાશાહી નહીં ચાલે. આવું કહીને તે પોતાના કાર્યકર્તા સાથે ત્યાં જ બેસી ગયા. એટલું જ નહીં, પણ સપાના કાર્યકર્તા દ્વારા એવો આક્ષેપ કરવામાં આવી રહ્યો છે કે પોલીસ ભાજપના ઇશારે કામ કરી રહી છે અને સપાના નેતાઓની ધરપકડ કરી રહી છે.
#WATCH समाजवादी पार्टी प्रमुख अखिलेश यादव ने पुलिस मुख्यालय में चाय पीने से इंकार किया।
उन्होंने कहा,"हम यहां की चाय नहीं पियेंगे। हम अपनी (चाय) लाएंगे, कप आपका ले लेंगे। हम नहीं पी सकते, ज़हर दे दोगे तो? हमें भरोसा नहीं। हम बाहर से मंगा लेंगे।"
(वीडियो सोर्स: समाजवादी पार्टी) pic.twitter.com/zwlyMp8Q82
— ANI_HindiNews (@AHindinews) January 8, 2023
પોલીસ મુખ્યાલયમાં હાજર સપાના અધ્યક્ષને પોલીસે ચા માટે પૂછ્યું ત્યારે અખિલેશ યાદવે ચા પીવાનો તો ઇન્કાર કરી દીધો હતો અને કહ્યું હતું કે અમને તમારા પર ભરોસો નથી. શું ખબર તમે ચામાં ઝેર ભેળવીને મને આપી દો તો…
અધિકારીઓના આગ્રહને જોતા અખિલેશે કહ્યું કે અમે અમારા માટે બહારથી ચા મંગાવી લેશું અને આટલું કહીને તેમણે એક કાર્યકર્તાને બહારથી ચા લાવવાનું કહ્યું.
