રાજકોટમાં વીજળીના કડાકા ભડાકા સાથે ભારે વરસાદ, રસ્તા પર ભરાયા પાણી

આપણું ગુજરાત ટૉપ ન્યૂઝ

રાજકોટમાં રવિવારે મેઘરાજા મન મૂકીને વરસ્યા હતાં. શહેરમાં વીજળીના ચમકારા સાથે ધોધમાર વરસાદ પડતાં રસ્તાઓ જળબંબાકાર બન્યા હતાં. નોંધનીય છે કે રાજકોટમાં રેકોર્ડબ્રેક ગરમીથી ત્રાહિમામ પોકારી રહેલા લોકોને વરસાદને કારણે ઠંડકનો અનુભવ થયો હતો. બપોર બાદ અચાનક વાતાવરણમાં પલટો થતાં પાંચ વાગ્યા પછી ધોધમાર વરસાદ વરસ્યો હતો.

રાજકોટ સિટી સહિત ગ્રામીણ વિસ્તારોમાં પણ સારો વરસાદ થતાં ખેડૂતો ખુશ થયા હતાં. હવામાન વિભાગે આપેલી આગાહી અનુસાર દક્ષિણ ગુજરાતના ભરૂચ, સુરત, ડાંગ, નવસારી, વલસાડ, તાપી જિલ્લામાં અને તથા સૌરાષ્ટ્રના જુનાગઢ, અમરેલી, ભાવનગર, ગીર સોમનાથ જિલ્લામાં ભારે વરસાદની આગાહી છે. આ સાથે દીવ, દમણ તથા દાદરા અને નગર હવેલીમાં પણ ભારે વરસાદની સંભાવના વ્યક્ત કરવામાં આવી છે. આ ઉપરાંત બનાસકાંઠા, મહેસાણા તથા સાબરકાંઠાને બાદ કરતા તમામ જિલ્લાઓમાં હળવો વરસાદ પડી શકે છે.

પ્રતિસાદ આપો

તમારું ઇમેઇલ સરનામું પ્રકાશિત કરવામાં આવશે નહીં.