Homeઆમચી મુંબઈહંસિકા મોટવાણી સેટલ થવા જઈ રહી છે! ડિસેમ્બરમાં આ વ્યક્તિ સાથે સાત...

હંસિકા મોટવાણી સેટલ થવા જઈ રહી છે! ડિસેમ્બરમાં આ વ્યક્તિ સાથે સાત ફેરા લેશે

અભિનેત્રી હંસિકા મોટવાણીના ચાહકો માટે એક સારા સમાચાર છે. ટીવી જગત અને બોલીવૂડથી લઈને દક્ષિણના સિનેમા સુધી પોતાના અભિનયના અજવાળા પાથરનારી હંસિકાના ઘરે શહનાઈ વાગવાની છે. મળતી માહિતી અનુસાર, હંસિકા મોટવાની 4 ડિસેમ્બર, 2022ના રોજ લગ્નના બંધનમાં બંધાવા જઈ રહી છે. હંસિકાના ચાહકો માટે આ સમાચાર કોઈ સરપ્રાઈઝથી ઓછા નથી. જોકે, ચાહકોને એ જાણવામાં પણ રસ હશે કે હંસિકા કોને પોતાની સાથી બનાવવા જઈ રહી છે!
હંસિકા મોટવાણી લાંબા સમયથી તેના સંબંધો અને લગ્નના સમાચારોને લઈને ચર્ચામાં છે. હવે આખરે એ રહસ્યમય વ્યક્તિ પરથી પડદો હટી ગયો છે જેને હંસિકા પોતાની લાઈફ પાર્ટનર બનાવવા જઈ રહી છે. મીડિયા રિપોર્ટ્સ અનુસાર, હંસિકાના લગ્ન જયપુરના મુંડોટા ફોર્ટ અને પેલેસમાં ભવ્ય અંદાજમાં યોજાશે. ડિસેમ્બરના પ્રથમ સપ્તાહમાં તૈયારીઓ શરૂ થશે. આ એક ડેસ્ટિનેશન વેડિંગ હશે, જેમાં પરિવારના નજીકના મિત્રો હાજરી આપશે.
હંસિકાના લગ્નના કાર્યક્રમો 2 ડિસેમ્બરથી શરૂ થશે. 2 ડિસેમ્બરના રોજ મહેંદીનું આયોજન થશે. તેમાં સૂફી ગીતો વગાડવામાં આવશે. બીજા દિવસે સંગીત વિધિ સંપન્ન થશે, જે એક અલગ થીમમાં ઉજવવામાં આવશે. હંસિકાના લગ્નના દરેક ફંક્શનમાં કોઈને કોઈ થીમ અને ડ્રેસ કોડ રાખવામાં આવશે. આટલા બધા કાર્યક્રમો વચ્ચે એક કેસિનો થીમ પાર્ટીનું પણ આયોજન કરવામાં આવ્યું છે. દરેક વ્યક્તિએ થીમના આધારે લગ્નની તૈયારી કરીને હાજરી આપવાની રહેશે.
હંસિકા મોટવાણીના લગ્નના કાર્યક્રમોની માહિતી સામે આવી છે. જો કે તેના મંગેતરનું નામ હજુ સુધી જાહેર કરવામાં આવ્યું નથી. પરંતુ, એવી ચર્ચા છે કે તે સોહેલ કથોરિયા નામના બિઝનેસમેન સાથે લગ્ન કરી રહી છે. ‘શાકા લાકા બૂમ-બૂમ’ જેવા લોકપ્રિય શોમાં બાળ કલાકાર તરીકે કામ કરી ચૂકેલી હંસિકા સાઉથની ઘણી ફિલ્મોમાં પણ પોતાનો જાદુ ચલાવી ચૂકી છે. તેણે બોલીવૂડની કેટલીક ફિલ્મોમાં પણ કામ કર્યું છે.

RELATED ARTICLES

Most Popular