(અમારા પ્રતિનિધિ તરફથી)
અમદાવાદઃ બજેટમાં કરાયેલી હાઈ સ્પીડ રેલ કોરિડોર અંગેની જાહેરાતથી અમદાવાદ અને પુણે અને હૈદરાબાદ વચ્ચેની કનેક્ટિવિટી વધશે અને સાથે થકવી નાખતી કલાકોની મુસાફરીને બદલે ગણતરીની કલાકોમાં પ્રવાસીઓ આ બે શહેરો સાથે જોડાશે.
સરકારે અમદાવાદ-મુંબઈ બુલેટ ટ્રેન ફેસ-વનના એક્સટેન્શનનો પ્રસ્તાવ મૂક્યો હતો, જે અનુસાર અમદાવાદથી પુણે ત્રણ કલાકમાં અને અમદાવાદથી હૈદરાબાદ છ કલાકમાં પહોંચી શકાશે.
કેન્દ્રીય રેલ્વે પ્રધાન અશ્વિની વૈષ્ણવે જણાવ્યું હતું કે મુંબઈ અને પુણે વચ્ચેની મુસાફરી ઘટીને માત્ર 48 મિનિટ થશે, જ્યારે પુણે-હૈદરાબાદ લગભગ 1 કલાક અને 55 મિનિટનો સમય લાગશે, જેનાથી એક જ દિવસે ઇન્ટરસિટી મુસાફરી બિઝનેસ ટ્રાવેલર્સ, વિદ્યાર્થીઓ અને પ્રવાસીઓને વિકલ્પ મળશે.
આ પણ વાચો : અમદાવાદ-મુંબઈ બુલેટ ટ્રેન પ્રોજેક્ટમાં 4 વર્ષના વિલંબ, ખર્ચમાં 83 ટકાનો વધારો
વીડિયો કોન્ફરન્સ દ્વારા મીડિયાને સંબોધતા, વૈષ્ણવે જણાવ્યું હતું કે નિર્માણાધીન અમદાવાદ-મુંબઈ હાઇ-સ્પીડ રેલ કોરિડોરને પુણે અને હૈદરાબાદ સુધી લંબાવવામાં આવશે, જેમાં બેંગલુરુ અને ચેન્નાઈ સાથેની કનેક્ટિવિટીની પણ યોજના છે.
આ અનુસાર અમદાવાદના મુસાફરો અન્ય ચાર શહેર સાથે સીધી રીતે જોડાઈ જશે.
કેન્દ્રીય બજેટમાં 4000 કિમી બુલેટ ટ્રેનના રૂટનો પ્રસ્તાવ મૂકવામાં આવ્યો છે.
