કાઈપો છેઃ 52 દેશના પતંગવીરો આવશે અમદાવાદ

ગુજરાત સરકાર દ્વારા ઉજવાતા પતંગોત્સવ દેશ-વિદેશમાં અલગ જ આકર્ષણ ધરાવે છે. રાજ્ય સરકાર ભારે ઉત્સાહ સાથે પતંગોત્સવ ઉજવવા થનગની રહ્યું છે. આઠમી જાન્યુઆરીથી 14 જાન્યુઆરી સુધીના આ ઉત્સવ અમદાવાદ સહિત દસ શહેરમાં યોજાશે. આ વર્ષે 52 દેશ અને 14 રાજ્યના પતંગરસિયાઓ અમદાવાદ ખાતે આવશે. આ સાથે દેશના અન્ય નવ શહેરના લોકો પણ જોડાશે. 2020માં 43 દેશે ભાગ લીધો હતો. આ વખતે 125 સ્પર્ધક પતંગ ઉડાવનારા 52 દેશમાંથી આવશે. 65 દેશના અન્ય રાજ્યોમાંથી અને 660 અન્ય 22 શહેરમાંથી પતંગોત્સવમાં ભાગ લેશે. અમદાવાદમાં આ સમારંભનું ઉદ્ઘાટન થશે અને ત્યારે 1200 બાળક સૂર્ય નમસ્કાર કરશે આ સાથે વિવિધ રંગારંગ કાર્યક્રમ પણ યોજાશે.
અગાઉ પતંગોત્સવ માટે 65 દેશને આમંત્રણ આપવામાં આવ્યું હતું, પરંતુ કોરોના વાયરસ ફરી ફેલાતા ચીન સહિતના 13 દેશને ભાગ ન લેવા વિનંતી કરવામાં આવી હતી. અમદાવાદ ઉપરાંત સ્ટેચ્યુ ઓફ યુનિટિ, વડોદરા, રણોત્સવ, દ્વારકા, સુરત, ઢોલેરા વગેરે સ્થળોએ પણ પતંગોત્સવ ઉજવાશે. આ તમામ પતંગવીરોને આ તમામ સ્થળોએ લઈ જવામાં આવશે.