સોનામાં સાધારણ ₹ નવનો ઘટાડો, ચાંદી ₹ ૩૩૩ વધી

વેપાર વાણિજ્ય

(વાણિજ્ય પ્રતિનિધિ તરફથી)
મુંબઈ: વૈશ્ર્વિક આર્થિક વૃદ્ધિની ચિંતા હેઠળ ડૉલરમાં આગેકૂચ અટકતા આજે લંડન ખાતે સત્રના આરંભે સોનામાં રોકાણકારોની છૂટીછવાઈ સલામતી માટેની માગને ટેકે ૦.૪ ટકા જેટલો સુધારો આવ્યા બાદ ડૉલરમાં ઘટ્યા મથાળેથી ફરી સુધારાતરફી વલણ રહેતાં આ અહેવાલ લખાઈ રહ્યો છે ત્યારે ભાવમાં ૦.૧ ટકા જેટલો જ સુધારો આવતા સ્થાનિક ઝવેરી બજારમાં આજે હાજરમાં સોનાના ભાવમાં સાધારણ ૧૦ ગ્રામદીઠ રૂ. નવનો ઘટાડો આવ્યો હતો, જ્યારે ચાંદીમાં વૈશ્ર્વિક પ્રોત્સાહક અહેવાલે સ્ટોકિસ્ટોની આક્રમક લેવાલી નીકળતાં ભાવ કિલોદીઠ રૂ. ૩૩૩ વધી આવ્યા હતા.
બજારનાં સાધનોના જણાવ્યાનુસાર આજે સ્થાનિક ઝવેરી બજારમાં ખાસ કરીને .૯૯૯ ટચ ચાંદીમાં સ્ટોકિસ્ટોની સટ્ટાકીય લેવાલી ઉપરાંત ઔદ્યોગિક વપરાશકારો અને જ્વેલરી ઉત્પાદકોની માગને ટેકે ભાવ કિલોદીઠ રૂ. ૩૩ વધીને રૂ. ૫૩,૬૯૬ના મથાળે રહ્યા હતા. વધુમાં આજે સોનામાં વૈશ્ર્વિક પ્રોત્સાહક અહેવાલ સાથે મધ્યસત્ર દરમિયાન સોનાના ભાવમાં ૧૦ ગ્રામદીઠ રૂ. ૯૪થી ૯૫નો સુધારો આવ્યો હતો, પરંતુ વિશ્ર્વ બજારમાં વધ્યા મથાળેથી પીછેહઠ જોવા મળી હોવાના નિર્દેશે સત્રના અંતે ભાવ ૧૦ ગ્રામદીઠ સાધારણ રૂ. નવના ઘટાડા સાથે ૯૯.૫ ટચ સ્ટાન્ડર્ડ સોનાના રૂ. ૫૦,૫૫૮ અને ૯૯.૯ ટચ સ્ટાન્ડર્ડ સોનાના રૂ. ૫૦,૭૬૧ના મથાળે રહ્યા હતા. જોકે, સ્ટોકિસ્ટો, રોકાણકારો, જ્વેલરી ઉત્પાદકો તથા રિટેલ સ્તરની લેવાલી છૂટીછવાઈ ખપપૂરતી જળવાઈ રહી હતી.
દરમિયાન આજે વિશ્ર્વ બજારમાં વૈશ્ર્વિક આર્થિક વૃદ્ધિની ચિંતા વચ્ચે ડૉલર ઈન્ડેક્સ ધીમા સુધારા સાથે ૨૦ વર્ષની ઊંચી સપાટી આસપાસ રહ્યો હતો. તેમ છતાં લંડન ખાતે સત્રના આરંભે સોનામાં રોકાણકારોની સલામતી માટેની છૂટીછવાઈ માગને ટેકે હાજરમાં ભાવ ગઈકાલના બંધથી ૦.૧ ટકા વધીને ઔંસદીઠ ૧૭૧૨.૦૯ ડૉલર આસપાસ અને વાયદામાં ભાવ સાંકડી વધઘટે અથડાઈને ઔંસદીઠ ૧૭૨૨.૪૦ ડૉલર આસપાસ ટકેલા રહ્યા હતા, જ્યારે હાજરમાં ચાંદીના ભાવ ગઈકાલના બંધથી ૦.૯ ટકા વધીને ઔંસદીઠ ૧૮.૩૨ ડૉલર આસપાસ ક્વૉટ થઈ રહ્યા હતા.
એકંદરે આજે રોકાણકારોની સોનામાં સલામતી માટેની માગને ટેકે સુધારો જોવા મળ્યો હોવા છતાં, ફેડરલ રિઝર્વ વ્યાજદરમાં આક્રમક ધોરણે વધારો કરે તેવી શક્યતાને કારણે સુધારો મર્યાદિત રહ્યો હોવાનું એએનઝેડના વરિષ્ઠ કૉમોડિટી એનાલિસ્ટ ડેનિયલ હેઈન્સે જણાવતા ઉમેર્યું હતું કે યુરોઝોનમાં જીવનનિર્વાહ માટેની કટોકટી સપાટી પર આવતાં ગ્રાહકો ખર્ચ કરવામાં સાવચેતી અપનાવી રહ્યા હોવાનું એક અહેવાલમાં જણાવાયું છે.
વધુમાં યુરોપના મુખ્ય ગૅસ સપ્લાય રૂટ ગણાતા નોર્ડ સ્ટ્રીમ ૧ પાઈપલાઈન બંધ રહેતાં પાવરના ભાવમાં વધારો થવાથી ગ્રાહકોનું લોકમાનસ ખરડાવાની શક્યતા પ્રબળ બની છે. હવે રોકાણકારોની નજર આગામી ગુરુવારના રોજ યોજાનાર યુરોપિયન સેન્ટ્રલ બૅન્કની નીતિવિષયક બેઠક પર સ્થિર થઈ છે, જ્યારે આગામી ૨૦-૨૧ સપ્ટેમ્બરની નીતિવિષયક બેઠકમાં અમેરિકી ફેડરલ રિઝર્વ વ્યાજદરમાં મોટો વધારો કરે તેવી શક્યતા પણ રોકાણકારો જોઈ રહ્યા છે. ઉ

પ્રતિશાદ આપો

તમારું ઇમેઇલ સરનામું પ્રકાશિત કરવામાં આવશે નહીં.