ગાંધીધામ મત ગણતરી કેન્દ્ર પર હોબાળો, કોંગ્રેસ ઉમેદવારે ગળેટુંપો ખાવાનો પ્રયાસ કર્યો

ગાંધીધામ મત ગણતરી કેન્દ્ર પર હોબાળો થયો હતો. ગણતરી કેન્દ્રમાં જ કોંગ્રેસ ઉમેદવારે ગળેટુંપો ખાવાનો પ્રયાસ કરતા દોડધામ મચી ગઈ હતી. કોંગ્રેસ ઉમેદવારે ઇવીએમ મશીન પરના સીલ, સહી સિક્કામાં તફાવત હોવાની ફરિયાદ કરી હતી.
ફરિયાદ છતાં ફરજ પર હાજર અધિકારીઓએ કોઈ પગલાં ન લેતા ધરણાં પર બેઠા હતા. તેમ છતાં કોઈ પગલાં ન લેવાતા ગળેફાંસો ખાવાનો પ્રયત્ન કર્યો હતો. જે બાદ પોલીસ અધિક્ષક અને કલેક્ટરે તેમની સાથે વાત કરી સમજાવવાના પ્રયાસ કર્યા હતા.
મળતી મહિતી મુજબ કચ્છની ગાંધીધામ અનામત બેઠકના ઉમેદવાર ભરત સોલંકી દ્વારા આજે ભુજની એન્જીનીયરીંગ કોલેજ ખાતે ચાલી રહેલી મતગણતરીના ૫ રાઉન્ડ દરમ્યાન એક ઈવીએમ મશીનનું સીલ તૂટેલી હાલતમાં જોવા મળતાં ચૂંટણી તંત્ર સામે ગંભીર આક્ષેપો સાથે ઉગ્ર વિરોધ નોંધાવી પટ્ટા વડે ગળે ટૂંપો ખાવાનો પણ પ્રયાસ કર્યો હતો. જોકે ઘટનાના પગલે બંદોબસ્તમાં રહેલી પોલીસે તેમને અટકાવ્યા હતા, તો વહીવટી તંત્રના અધિકારીઓએ ઉમેદવાર ભરતભાઈને સમજાવટના પ્રયાસો શરૂ કર્યા હતા