ફોકસ – નિધિ ભટ્ટ
શાહરૂખ ખાન અને દીપિકા પદુકોણ અભિનીત ફિલ્મ ‘પઠાણ’નું ‘બેશર્મ રંગ’ ગીત જ્યારથી રિલીઝ થયું છે, ત્યારથી ચર્ચામાં છે. હવે આ ફિલ્મનું બીજુ ગીત પણ રિલીઝ થઇ ગયું છે. શાહરૂખ અને દીપિકા પર ફિલ્માવવામાં આવેલા આ ગીતને યશરાજની યુટ્યુબ ચેનલ પર રિલીઝ કરવામાં આવ્યું હતું. ‘ઝૂમે જો પઠાણ’ ગીત દીપિકા પદુકોણ અને શાહરૂખ ખાન પર ફિલ્માવવામાં આવ્યું છે. ‘પઠાણ’ પચીસ જાન્યુઆરી, ૨૦૨૩ના રોજ થિયેટરમાં રિલીઝ થશે.
સોમવારે શાહરૂખ ખાને ગીતનો લુક શેર કર્યો હતો, જેમાં દીપિકા પાદુકોણ અને શાહરૂખ ખાન એકદમ બોલ્ડ અવતારમાં જોવા મળી રહ્યા છે. ફેન્સ બીજુ સોન્ગ જોવા માટે ઉત્સાહિત છે. ત્યારે ટ્રોર્લ્સ રાહ જોઇ રહ્યાં હતાં કે આ વખતે શું જોઇને શાહરૂખ-દીપિકાને ટ્રોલ કરી શકાશે.
શાહરૂખે પોસ્ટ શેર કરતા લખ્યું હતું કે ‘ઝૂમે જો પઠાણ… મેરી જાન… મહેફિલ હી લૂટ જાયે, ધીરજ રાખો. પઠાણની સાથે યશરાજના પચાસ વર્ષની ઊજવણી કરો પચીસ જાન્યુઆરીએ ફક્ત મોટા પડદા પર. આ ફિલ્મ હિંદી, તમિલ અને તેલુગુમાં રિલીઝ થઇ રહી છે.
‘પઠાણ’નું દિગ્દર્શન સિદ્ધાર્થ આનંદે કર્યુ છે અને ફિલ્મને યશરાજ ફિલ્મ્સના બેનર હેઠળ પ્રોડયુસ કરવામાં આવી છે. ફિલ્મમાં શાહરૂખ ખાન અને દીપિકા પાદુકોણ સાથે જોન અબ્રાહમ વિલનના રોલમાં જોવા મળશે. દીપિકા પદુકોણ અને શાહરૂખ ખાન ‘પઠાણ’ સાથે ચોથીવાર એકસાથે કામ કરી રહ્યાં છે. દીપિકાએ પોતાનું બોલિવૂડ ડેબ્યુ શાહરૂખ ખાન સાથે ફિલ્મ ‘ઓમ શાંતિ ઓમ’થી કર્યું હતું. ત્યાર બાદ આ જોડી ‘હેપ્પી ન્યૂ યર’ અને ‘ચેન્નઇ એક્સપ્રેસ’માં સાથે જોવા મળી હતી.
આ ત્રણેય ફિલ્મો બોક્સ ઓફિસ પર સુપરહિટ રહી હતી. જોકે યક્ષપ્રશ્ર્ન એ છે તે શું આ જોડી આ વખતે પણ એ કમાલ દેખાડી શકશે?
