દિલ્હી સરકારમાં પ્રધાન સત્યેન્દ્ર જૈનની મુશ્કેલી વધી રહી છે. જાણકારી અનુસાર ઇડીએ કરેલી રેડમાં જૈનના સંબંધીના ઘરેથી 2.82 કરોડ રૂપિયા કેશ તેમ જ સોનાના બિસ્કિટ અને 133 સોનાના સિક્કા મળી આવ્યા છે.
મની લોન્ડરિંગ કેસમાં ધરપકડ કરવામાં આવ્યા બાદ સત્યેન્દ્ર જૈનના અનેક ઠેકાણાઓ પર ઇડીની ટીમો છાપો મારી રહી છે. દિલ્હી સરકારના સ્વાસ્થ્ય પ્રધાન સત્યેન્દ્ર જૈન સાથે જ હવાલા ઓપરેટર્સના ઠેકાણાઓ પર પણ ઇડી રેડ પાડી રહી છે.
આ મામલે દિલ્હીના CM અરવિંદ કેજરીવાલે ટ્વીટ કરીને PM મોદી પર નિશાનો સાધ્યો છે. એમણે કહ્યું છે કે હાલમાં વડાપ્રધાન પૂરી તાકાતથી આમ આદમી પાર્ટી પાછળ પડ્યા છે. ખાસ કરીને દિલ્હી અને પંજાબ સરકાર પાછળ. જૂઠ્ઠાણા પર જૂઠ્ઠાણુ, જૂઠ્ઠાણા પર જૂઠ્ઠાણુ. તમારી પાસે બધી એજન્સીઓની તાકત છે, પણ ભગવાન અમારી સાથે છે.
