ડૉલર સામે રૂપિયો ૨૫ પૈસા તૂટ્યો
(વાણિજ્ય પ્રતિનિધિ તરફથી)
મુંબઈ: વૈશ્ર્વિક વિનિમય બજારમાં ડૉલર ઈન્ડેક્સમાં નરમાઈનું વલણ અને સ્થાનિક ઈક્વિટી માર્કેટમાં સુધારાતરફી વલણ રહેતાં આજે સ્થાનિક ફોરેક્સ માર્કેટમાં ડૉલર સામે રૂપિયામાં એક તબક્કે ૫૪ પૈસાનો સુધારો જોવા મળ્યા બાદ વિશ્ર્વ બજારમાં બ્રેન્ટ ક્રૂડતેલના વાયદામાં સુધારો તેમ જ ગત શુક્રવારે સ્થાનિક ઈક્વિટી માર્કેટમાં વિદેશી સંસ્થાકીય રોકાણકારોની વેચવાલી રહ્યાના અહેવાલે સત્રના અંતે ડૉલર સામે રૂપિયો આગલા બંધથી ૨૫ પૈસા તૂટીને ૮૧.૪૨ની સપાટીએ બંધ રહ્યો હતો.
બજારનાં સાધનોના જણાવ્યાનુસાર આજે સ્થાનિકમાં ડૉલર સામે રૂપિયો ગત શુક્રવારના ૮૧.૧૭ના બંધ સામે મજબૂત અન્ડરટોને ૮૦.૯૨ની સપાટીએ ખૂલ્યા બાદ સત્ર દરમિયાન ઉપરમાં ૮૦.૮૮ સુધી મજબૂત થયા બાદ નીચામાં ૮૧.૫૦ સુધી ઘટ્યા બાદ અંતે આગલા બંધથી ૨૫ પૈસા ઘટીને ૮૧.૪૨ના મથાળે બંધ રહ્યો હતો. ઉ