અંડાશયમાંથી સ્ત્રીબીજ મેળવવાની અને નીચા તાપમાને સંગ્રહ કરવાની પ્રક્રિયા
—
કવર સ્ટોરી – દર્શના વિસરીયા
આજના સમયમાં દરેક વ્યક્તિને કરિયરમાં સેટલ થવું છે, પછી એ યુવક હોય કે યુવતી… યુવક માટે તો આ વસ્તુ એટલે સહેલાઈથી થઈ જાય છે, પણ જ્યારે વાત યુવતીની આવે ત્યાં મામલો થોડો ડામાડોળ થઈ જાય છે, કારણ કે આપણે ગમે એટલું આગળ કેમ ના વધી ગયા હોઈએ પણ યુવતીની પહેલી ફરજ તો લગ્ન કરીને ઘર-પરિવારની જવાબદારી ઉઠાવવાની છે અને બાળકો ઉછેરવાની છે. હવે સ્વાભાવિક છે કે બાળકો ઉછેરવાના એટલે કરિયરનું બલિદાન તો આપવું જ રહ્યું. પણ હવે કરિયર અને બાળક બંને યુવતીઓ પોતાની મરજી મુજબ પ્લાન કરી શકશે અને એ પણ થેન્ક્સ ટુ એગ ફ્રીઝિંગની મદદથી…
સૌથી પહેલાં તો જાણીએ કે આખરે આ એગ ફ્રીઝિંગ છે શું? ઓવરીઝ (અંડાશય)માં બનનારા એગ્સ (સ્ત્રીબીજ)ને અનફર્ટિલાઈઝ્ડ ફોર્મમાં કાઢીને સ્ટોર કરવામાં આવે છે. કાઢવામાં આવેલા એગને ફર્ટિલાઈઝ વિના જ ફ્રીઝ કરવામાં આવે છે. એગ ફ્રીઝિંગની મદદથી યુવતીઓ પોતાની પ્રેગ્નન્સી પ્લાન કરી શકે છે.
એગ ફ્રીઝિંગ એ યુવતીઓ માટે ખરેખર વરદાન સ્વરૂપ છે કે જેઓ કરિયરમાં સેટલ થવા કે અન્ય કોઈ પણ કારણસર બેબી પ્લાન નથી કરી શકતી.
એગ ફ્રીઝિંગ એ છોકરીઓ માટે મેડિકલ ગિફ્ટ છે કે જેઓ લગ્નથી લઈને બેબી પ્લાનિંગ સુધીની તમામ બાબતોને ક્ધટ્રોલમાં રાખવા માગે છે. બૉડી ક્લૉકને ફ્રીઝ કરવું એ ટાઈમ ફ્રીઝ કરવા જેવું અઘરું છે.
બૉડી કલૉકને ફ્રીઝ કરવું એ ટાઈમ ફ્રીઝ કરવાથી
જરાય ઓછું અઘરું હતું, પણ એગ ફ્રીઝિંગની મદદથી કરિયર અને યોગ્ય લાઈફ પાર્ટનરની પસંદગી માટેની ડેડલાઈનને થોડી આગળ ચોક્કસ જ લંબાવી શકાય છે. આનાથી યુવતીઓને સામાજિક પ્રેશરને હેન્ડલ કરવામાં થોડાઘણે અંશે મદદ મળી રહેશે.
એગ ફ્રીઝિંગ શું છે અને એનાથી યુવતીઓને કેવો અને કેટલો ફાયદો થશે એ જાણી લીધા બાદ આગળ વધીએ અને વાત કરીએ કે આખરે યુવતી ક્યારે એગ ફ્રીઝિંગ કરાવી શકે છે એના વિશે-
આ વિશે વાત કરતાં મુંબઈની એક જાણીતી હોસ્પિટલમાં ગાયનેકોલોજિસ્ટ જણાવે છે કે એગ ફ્રીઝિંગ ૨૫થી લઈને ૩૫ વર્ષની યુવતી કે મહિલા કરાવી શકે છે. ૩૫ વર્ષની ઉંમર બાદ એગ્સ નબળાં પડી જાય છે અને મોટાભાગે એગ ફ્રીઝિંગ કોઈ સર્જરી કે કોઈ પણ પ્રકારના કેન્સરમાં આપવામાં આવતા કેમો થેરેપીથી એગ્સની ગુણવત્તાને જાળવી રાખવા માટે કરવામાં આવે છે.
ડૉક્ટરની સલાહ લઈને યુવતીઓ ફેમિલિ પ્લાનિંગ માટે પણ એગ્સ ફ્રીઝ કરાવી શકે છે. સરોગેટ મધર્સ શો બિઝનેસના કરિયરમાં આગળ વધી રહેલી યુવતીઓમાં એગ ફ્રીઝિંગ એ કોમન બાબત છે.
રહી વાત આ ટ્રીટમેન્ટના ખર્ચની તો એગ ફ્રીઝિંગ માટે એક્સ્ટ્રેક્શનની કિંમત ૧૫થી ૨૦ હજાર રૂપિયાની હોય છે અને એગ્સને સ્ટોરેજમાં સાચવી રાખવા માટે દર મહિને સાતથી આઠ હજાર રૂપિયાનો ખર્ચ આવે છે.
હવે આ એગ ફ્રીઝિંગ કેટલું સેફ છે એ વિશે વાત
કરવાની થાય તો એગ ફ્રિઝિંગને જ્યારે ફર્ટિલાઈઝ કરીને ફરી ઓવરીઝમાં નાખવામાં આવે છે તો તે આઈવીએફ (ઈન વિટ્રો ફર્ટિલાઈઝેશન) જેવી પ્રેગ્નન્સી હોય છે.
આ સેફ છે અને આઈવીએફની જેમ આમાં પણ યુવતીને કન્સિવ (ગર્ભાધાન) કરવામાં સમય ચોક્કસ લાગી શકે છે. એટલું જ નહીં અમુક કિસ્સામાં તો પ્રિમેચ્યોર ડિલિવરી થવાના ચાન્સીસ પણ વધી જાય છે.
એગ ફ્રીઝિંગની પ્રક્રિયા કોઈ પણ યુવતી કરાવી શકે છે, પણ સામાન્યપણે ૩૫ વર્ષથી નીચેની વય આના માટે શ્રેષ્ઠ માનવામાં આવે છે. જોકે, આજે ૩૫થી ૩૮ વર્ષની વચ્ચેની મહિલાઓ પણ આ ટ્રીટમેન્ટ લઈ શકે છે.
આજકાલ આ પ્રોસિઝર અંગેની જાગરૂક્તા વધી ગઈ હોવાને કારણે અનેક કપલ્સ જેઓ હાલમાં ફેમિલી આગળ નથી વધારવા માગતા પણ બેબીમાં પોતાના જિન્સ હોય એવી અપેક્ષા રાખે છે, એવા દંપતીઓ આ ટ્રીટમેન્ટ પર પસંદગીનો કળશ ઢોળી રહ્યાં છે.
આ ટ્રીટમેન્ટની શરૂઆતમાં કપલ્સના મનમાં અનેક પ્રકારના ડર અને સવાલ હોય છે, પણ આ પ્રોસેસમાં બહુ લાંબો સમય નથી લાગતો અને ઘણી વખત તો તે ૧૫ દિવસમાં પૂરી પણ થઈ જાય છે. રહી વાત આ ટ્રીટમેન્ટ કેટલી સફળ છે
એની તો બીજા શબ્દોમાં કહેવાનું થાય તો એગ ફ્રીઝિંગ એ આઈવીએફનો જ એક પ્રકાર છે અને ઘણાં શહેરોમાં તે સામાન્ય નથી ગણાતી.
મોટાભાગના મેટ્રોપોલિટન શહેરના આઈટી પ્રોફેશનલ્સ કે પછી સારી આવક ધરાવતા લોકો જ આ ટ્રીટમેન્ટ લેવાનું પસંદ કરે છે.
ભારતમાં આજે પણ ઈન્ફર્ટિલિટીને બીમારી નથી માનવામાં આવતી, જેને કારણે આઈવીએફ એની ઈન્ફર્ટિલિટી સાથે સંકળાયેલી ટ્રીટમેન્ટ મેડિક્લેઈમમાં કવર નથી કરવામાં આવતી અને આ જ સૌથી મોટું કારણ છે કે અનેક કપલ્સની પહોંચની બહાર છે આ ટ્રીટમેન્ટ….