રાજ્યમાં કફ સિરપ કંપનીઓ તપાસ હેઠળ

રાજ્યના ડ્રગ એડમિનિસ્ટ્રેશન પ્રધાન સંજય રાઠોડે શુક્રવારે વિધાનસભામાં માહિતી આપી હતી કે રાજ્યમાં કફ સિરપનું ઉત્પાદન કરતી 84 કંપનીઓની દવાની વહીવટીતંત્ર દ્વારા તપાસ કરવામાં આવી રહી છે. વર્લ્ડ હેલ્થ ઓર્ગેનાઈઝેશન (WHO) એ દેશમાંથી નિકાસ કરવામાં આવતી ખામીયુક્ત કફ સિરપમાં હાનિકારક ઘટકોને કારણે 66 બાળકોના મૃત્યુ થયું હોવા અંગે જણાવ્યું હતું. આને કારણે ચાર કંપનીઓને ઉત્પાદન બંધ કરવાનો આદેશ આપવામાં આવ્યો છે. છ કંપનીઓના લાઇસન્સ રદ કરવામાં આવ્યા છે, એવી રાઠોડે માહિતી આપી હતી. રાઠોડે ઉલ્લેખ કર્યો છે કે લગભગ 17 દોષિત કંપનીઓને ‘કારણ બતાવો’ નોટિસ આપવામાં આવી છે. દરમિયાન આ મામલો ગંભીર હોવાથી તલાટી પ્રમુખ સંજય શિરસાટે આવી કંપનીઓને ચકાસવા ખાસ ઝુંબેશ હાથ ધરવા સૂચન કર્યું હતું.
રાજ્યમાં કુલ 996 એલોપેથિક ઉત્પાદકો છે. તેમાંથી 514 ઉત્પાદકો નિકાસ કરે છે. ગત વર્ષ દરમિયાન આઠ હજાર 259 રિટેલર્સની તપાસ કરવામાં આવી હતી. બે હજાર લાયસન્સ ધારકોને કારણદર્શક નોટિસો આપવામાં આવી હતી, 424 લાયસન્સ રદ કરવામાં આવ્યા હતા, એમ જણાવતા રાઠોડે કહ્યું હતું કે 56 લોકો સામે કેસ નોંધવામાં આવ્યો છે. તેમણે એવું આશ્વાસન પણ આપ્યું હતું કે ટૂંક સમયમાં બેઠક યોજવામાં આવશે. વિપક્ષના નેતા અજિત પવાર અને ધારાસભ્યો યોગેશ સાગર, જયકુમાર રાવલે પણ આ ચર્ચામાં ભાગ લીધો હતો.