‘પ્રથમ તબક્કામાં કોંગ્રેસને 55 સીટ મળશે, અમિત શાહ રાત્રે સુતા નથી’ કોંગ્રેસનો દાવો

ગઈકાલે ગુજરાત વિધાનસભા ચૂંટણી માટે પ્રથમ તબક્કામાં 89 બેઠકો પર પર મતદાન થયું. બીજા તબક્કા માટે આગામી 5મી તારીખે 93 બેઠકો પર મતદાન થવાનું છે. કોંગ્રેસે ગુજરાતમાં કોંગ્રેસની સરકાર બનાવવાનો વિશ્વાસ વ્યક્ત કર્યો છે. કોંગ્રેસના જણાવ્યા પ્રમાણે પ્રથમ તબક્કાના મતદાનમાં 55 બેઠકો પર કોંગ્રેસની જીત પાક્કી છે. કોંગ્રેસના રાષ્ટ્રીય પ્રવક્તા પવન ખેરા અને આલોક શર્મા દ્વારા પ્રેસ કોન્ફરન્સ દરમિયાન માહિતી અપવામાં આવી હતી.
અમદવાદના પાલડી ખાતે આવેલા રાજીવગાંધી ભાવનમાં યોજાયેલી પ્રેસ કોન્ફરન્સમાં કોંગ્રેસના રાષ્ટ્રીય પ્રવક્તા પવન ખેરાએ દાવો કરતા કહ્યું હતું કે, અમારું આંકલન સ્પષ્ટ છે. પહેલા ચરણના મતદાનમાં કોંગ્રેસને 55 બેઠકો મળશે.
કોંગ્રેસના રાષ્ટ્રીય પ્રવક્તા અલોક શર્માએ જણાવ્યું કે, ભાજપ હારી રહી છે એજ કારણ છે કે, નરેન્દ્ર મોદીને 30થી 35 સભા અને રોડ શો કરવા પડી રહ્યા છે. આદિવાસી વિસ્તારમાં જોરદાર મતદાન થયું. ભાજપના સુપડા સાફ થશે તે નક્કી. શહેર વિસ્તારમાં પણ કોંગ્રેસને ભરપૂર વોટ મળ્યા છે. રાજકોટમાંથી કોંગ્રેસને ચાર બેઠકો મળશે તે નક્કી છે.
તેમણે વધુમાં કહ્યું કે ભાજપના અસંતુષ્ટ નેતાઓએ કોંગ્રેસ તરફી મતદાન કરાવ્યું છે. અમિત શાહ ગઈકાલે રાત્રે સૂતા નથી તેમની આંખો લાલ થઈ ગઈ છે.