હાલમાં ચીનમાં કોરોનાની ખૂબ જ ખતરનાક લહેર ચાલી રહી છે. જ્યારથી ઝીરો-કોવિડ પોલિસી દૂર કરવામાં આવી છે, ત્યારથી ત્યાં કોરોનાના કેસોમાં સતત વધારો થઈ રહ્યો છે. કોરોનાના કારણે દરરોજ 5,000 થી વધુ લોકો પોતાનો જીવ ગુમાવી રહ્યા છે. ચીનની રાજધાની બીજિંગ સહિત દેશના વિવિધ વિસ્તારોમાં કોરોનાના કેસ સતત વધી રહ્યા છે. દરરોજ લાખો નવા દર્દીઓ આવવાના કારણે લોકોને હોસ્પિટલોમાં પથારીઓ મળી રહી નથી, અને દવાઓની પણ અછત સર્જાઇ છે.
ચીનની માનવાધિકાર કાર્યકર્તા જેનિફર ઝેંગે એક વીડિયો ટ્વીટ કર્યો છે. એવો દાવો કરવામાં આવ્યો છે કે લોકોને અંતિમ સંસ્કાર માટે 24 કલાક રાહ જોવી પડે છે. એવા અહેવાલો છે કે સ્મશાન સ્થળો પર મૃતદેહોના ઢગલા થઈ રહ્યા છે. વાયરલ વીડિયોમાં કહેવામાં આવ્યું છે કે જે લોકો અંતિમ સંસ્કારમાં મદદ કરી રહ્યા છે તેઓ કોવિડ પોઝિટિવ હોવાનું કહેવાય છે. રિપોર્ટ્સમાં દાવો કરવામાં આવી રહ્યો છે કે આવનારા મહિનાઓમાં ચીનમાં લગભગ 80 કરોડ લોકો કોરોનાથી સંક્રમિત થઈ શકે છે અને 10 લાખથી વધુ લોકોના મોત થઈ શકે છે.
A funeral home in #Beijing. When the man who shot the video asks the 2 workers why they don't wear glasses to protect themselves, they say, "We tested positive already. We are all positive."
"We are pushing bodies in 24 hours", says man at the end.
#COVID #chinacovid #COVID19 pic.twitter.com/DN9rkOToRI— Inconvenient Truths by Jennifer Zeng 曾錚真言 (@jenniferzeng97) December 21, 2022
ચીનના શેનયાંગ શહેરમાં પણ પરિસ્થિતિ બેકાબુ છે. હૉસ્પિટલો અને સ્મશાનોમાં લાશોના ઢેર લાગ્યા છે અને અનેક દિવસનું લાંબુ વેઇટિંગ છે. લોકો મૃતદેહને સ્મશાનગૃહની સામે જમીન પર રાખીને જતા રહેવા માંડ્યા છે.
In #Shenyang city, as the crematory is already full and cannot hold more bodies, someone chose to leave the body on the ground in front of the crematory and left. A helpless choice, I guess.
How many have died in #CCPChina #China? #Covid pic.twitter.com/NqXzeqgHia— Inconvenient Truths by Jennifer Zeng 曾錚真言 (@jenniferzeng97) December 16, 2022
વિશ્વ સ્વાસ્થ્ય સંગઠને પણ ચીનમાં કોરોનાની સ્થિતિ પર ચિંતા વ્યક્ત કરી છે. WHOના ડાયરેક્ટર-જનરલ ટેડ્રોસ અધાનમ ઘેબ્રેયસસે 21 ડિસેમ્બરે જિનીવામાં કહ્યું હતું કે ચીનમાં કોરોના વાયરસના સંક્રમણના વધતા જતા મામલાઓને લઈને સંગઠન અત્યંત ચિંતિત છે.