Rs 22842 cr bank fraud case: ABG ગ્રુપના founderની ધરપકડ, જાણો સમગ્ર મામલો

ટૉપ ન્યૂઝ દેશ વિદેશ

બેંક છેતરપિંડીના કેસમાં એબીજી ગ્રુપના સ્થાપક અને અધ્યક્ષ ઋષિ અગ્રવાલની સીબીઆઈએ ધરપકડ કરી હોવાની માહિતી સામે આવી છે. નોંધનીય છે કે આ કંપની પર 22,000 કરોડના બેંક ફ્રોડનો આરોપ લાગેલો છે. એબીજી શિપયાર્ડ લિમિટેડની શરૂઆત વર્ષ 1985માં થઈ હતી. ગુજરાતના દહેજ અને સુરતમાં એબીજી ગ્રુપની આ શિપયાર્ડ કંપની પાણીના જહાજોના બાંધકામ અને સમારકામમાં રોકાયેલી છે. અત્યાર સુધીમાં આ કંપની 165 જહાજો બનાવી ચૂકી છે. 1991 સુધીમાં, આ કંપનીને દેશ-વિદેશમાંથી મોટા ઓર્ડર મળ્યા, જેમાં મોટો નફો થયો હતો.
મહત્વનું છે કે, UPA સરકાર દરમિયાન આ કોભાંડ થયું હતું. મળતી માહિતી અનુસાર, 2016માં કંપનીને 550 કરોડ ડોલરથી મોટું નુકસાન થયું હતું અને તે પછી ABG શિપયાર્ડની હાલત કથડી ગઈ હતી. નાણાકીય સ્થિતિને ટાંકીને આ કંપનીએ બેંકો પાસેથી લોન લઈને મોટું કૌભાંડ આચર્યું હતું. સ્ટેટ બેંકની ફરિયાદ અનુસાર, કંપનીએ બેંક પાસેથી 2,925 કરોડ રૂપિયાની લોન લીધી હતી. આ સિવાય આઈસીઆઈસીઆઈ બેંક પાસેથી 7,089 કરોડ રૂપિયા, આઈડીબીઆઈ બેંકમાંથી 3,634 કરોડ રૂપિયા, બેંક ઓફ બરોડામાંથી 1,614 કરોડ રૂપિયા, પંજાબ નેશનલ બેંકમાંથી 1,244 કરોડ રૂપિયા, ઈન્ડિયન ઓવરસીઝ બેંકમાંથી 1,228 કરોડ રૂપિયાની લોન લેવામાં આવી છે. આ રીતે કંપનીએ કુલ 28 બેંકો પાસેથી લોન લીધી હતી.
કંપનીઓ પર આરોપ છે કે તેમણે બેંક ફ્રોડ દ્વારા મેળવેલા પૈસા વિદેશમાં મોકલીને અબજો રૂપિયાની પ્રોપર્ટી ખરીદી છે. અર્ન્સ્ટ એન્ડ યંગ LP દ્વારા 18 જાન્યુઆરી, 2019ના રોજ ફાઈલ કરવામાં આવેલા એપ્રિલ 2012થી જુલાઈ 2017 સુધીના ફોરેન્સિક ઓડિટ રિપોર્ટની તપાસમાં બહાર આવ્યું છે કે કંપનીએ ગેરકાયદેસર પ્રવૃત્તિઓ દ્વારા બેંક લોનનો ગેરઉપયોગ કર્યો અને ભંડોળને ડાયવર્ટ કર્યું હોવાનું પણ જાણવા મળ્યું હતું.

પ્રતિશાદ આપો

તમારું ઇમેઇલ સરનામું પ્રકાશિત કરવામાં આવશે નહીં.