બજેટ 2023: વિદ્યાર્થીઓને શિક્ષણ ક્ષેત્રે મોટી ભેટ મળી; હવે અભ્યાસમાં રોગચાળો નહીં આવે અડચણ, જાણો શું છે ખાસ

નાણાપ્રધાન નિર્મલા સીતારમણે 1 ફેબ્રુઆરીએ કેન્દ્રીય બજેટ 2023-24માં શિક્ષણ વિભાગ માટે 1,12,899 કરોડ રૂપિયાની વિક્રમજનક જાહેરાત કરી હતી.
આ 2022-23ના બજેટ અંદાજ કરતાં રૂ. 8,621 કરોડ વધુ છે અને રૂ. 1,04,278 કરોડના અગાઉના બજેટ અંદાજ (BE)ની સરખામણીમાં લગભગ 8.26 વૃદ્ધિ દર્શાવે છે.
નાણામંત્રીએ બજેટના પટારામાંથી વિદ્યાર્થીઓ માટે મોટી ભેટ બહાર પાડી છે. કોરોનાના સમયમાં શિક્ષણ વિભાગ પણ તબાહીની ઝપેટમાં આવી ગયું છે. પરંતુ દરેક અવરોધોને દૂર કરીને, ભારત સરકારે દેશના દરેક યુવાનો અને બાળકને શિક્ષણ આપવા માટે બજેટમાં મોટી જાહેરાત કરી છે. નાણા પ્રધાને ડિજિટલ લાઈબ્રેરી પર ભાર મૂક્યો છે.
બજેટ રજૂ કરતી વખતે નિર્મલા સીતારમણે શિક્ષણને લઈને મોટી જાહેરાતો કરી હતી, જેમાં નેશનલ ડિજિટલ લાઇબ્રેરી સેટઅપ, રાજ્ય અને પંચાયત કક્ષાએ ભૌતિક પુસ્તકાલય, દરેક રાજ્ય અને પંચાયતમાં બાળકોને પુસ્તકો આપવા, શિક્ષકોની તાલીમ માટે સંસ્થા ખોલવી અને 14 એકલવ્ય મોડેલ સ્કૂલની સ્થાપના કરવાનો સમાવેશ થાય છે. કેન્દ્ર આગામી ત્રણ વર્ષમાં 748 એકલવ્ય મોડલ રેસિડેન્શિયલ સ્કૂલો માટે 38,800 શિક્ષકો અને સહાયક સ્ટાફની પણ ભરતી કરશે.