Udaipur Tailor Murder Case: Bollywood ભડક્યું, સોશિયલ મીડિયા પર વ્યક્ત કરી નારાજગી

ટૉપ ન્યૂઝ દેશ વિદેશ

Udaipur: રાજસ્થાનના ઉદયપુરમાં ટેલરની નિર્મમ હત્યાની ચર્ચા દેશભરમાં થઈ રહી છે. આરોપીઓએ સોશિયલ મીડિયા પર ઘટના સંબંધિત વીડિયો પોસ્ટ કર્યા હોવાથી લોકો રોષે ભરાયા છે. હાલમાં રાજ્યભરમાં ધારા 144 લગાવવામાં આવી છે આ સાથે ઘણા વિસ્તારોમાં ઈન્ટરનેટ સેવા પણ બંધ કરવામાં આવી છે. બોલીવૂડના કલાકારોએ પણ આ ઘટનાની નિંદા કરી છે. સોશિયલ મીડિયાના માધ્યમથી તેઓ આકરી પ્રતિક્રિયા આપી રહ્યા છે.
અભિનેત્રી સ્વરા ભાસ્કરે ટ્વીટ કરીને આ ઘટનાની નિંદા કરી છે. તેણે કહ્યું છે આરોપીઓ તે જેમ બને એમ જલદી સજા મળવી જોઈએ. આ અપરાધ ખૂબ જ અમ્યાયપૂર્ણ છે. જો તમે પોતાના ભગવાનના નામથી મારવા ઈચ્છો છો તો શરૂઆત પોતાનાથી કરવી જોઈએ.
અભિનેત્રી રિચા ચઢ્ઢાએ ટ્વિટ કરીને જણાવ્યું હતું કે, કોઈપણ ચેતવણી આપ્યા વગર આ વીડિયો આગની ઝડપે વાયરલ થઈ રહ્યો છે. પ્લીઝ આવું નહીં કરો. પીડિતના પરિવાર વિશે વિચારો, તેમના દુઃખ વિશે વિચારો. નરાધમોને જેમ બને એમ જલદી સજા મળવી જોઈએ.
પ્રખ્યાત સિંગર વિશાલ દાદલાનીએ પણ આ ઘટનાના આરોપીને જલદી અને કડક સજા મળે તેવી માગણી કરી છે.
આ ઉપરાંત અનુપમ ખેર અને દિગ્દર્શક વિવેક રંજન અગ્નિહોત્રીએ રોષ વ્યક્ત કર્યો છે.
વારંવાર વિવાદાસ્પદ નિવેદનોને કારણે ચર્ચાનું કારણ બનતી અભિનેત્રી કંગના રણોટે પણ સોશિયલ મીડિયા પર ગુસ્સો ઠાલવ્યો છે. કેણે લખ્યિં હતું કે, નુપુર શર્માના સમર્થન કરવા બદલ આ વ્યક્તિનું ગળું કાપીને નિર્મમ હત્યા કરવામાં આવી. નરાધમો બળજબરીથી દુકાનમાં ઘુસી ગયા અને નારા લગાવવા લાગ્યા. હત્યા બાદ વીડિયો પણ બનાવી અને આ વીડિયો જોવાની મારી હિમ્મત નથી થઈ રહી.

પ્રતિશાદ આપો

તમારું ઇમેઇલ સરનામું પ્રકાશિત કરવામાં આવશે નહીં.