આજના દિવસને ‘બ્લેક ફ્રાઈડે’ કહેવામાં ખોટું નહીં હોય. સૂર્યના કિરણો ઉગતાની સાથે જ ત્રણ દુ:ખદ ઘટનાઓ પણ સામે આવી. જ્યારે PM મોદીની માતા હીરા બાનું શુક્રવારે વહેલી સવારે નિધન થયું હતું. એ જ સમયે વિશ્વના મહાન ફૂટબોલરોમાંના એક પેલેનું પણ નિધન થયું. 20મી સદીના મહાન ફૂટબોલર પેલેનું લાંબી માંદગી બાદ અવસાન થયું હતું. તેમની પુત્રી કેલી નાસિમેન્ટોએ ઇન્સ્ટાગ્રામ દ્વારા આ દુઃખદ સમાચારની માહિતી આપી હતી. આ સિવાય ભારતીય ક્રિકેટર ઋષભ પંતનો હરિદ્વારમાં માર્ગ અકસ્માત થયો હતો. આ દરમિયાન તેઓ ગંભીર રીતે ઘાયલ થયા હતા. તેમને દેહરાદૂનની મેક્સ હોસ્પિટલમાં દાખલ કરવામાં આવ્યા છે.
પીએમ મોદીની માતા હીરા બાનું નિધન
PM મોદીની માતા હીરા બાનું શુક્રવારે સવારે 3.30 વાગ્યે નિધન થયું હતું. તેઓ 100 વર્ષના હતા. અમદાવાદની યુએન હોસ્પિટલમાં તેમની સારવાર ચાલી રહી હતી. બુધવારે તેમની તબિયત બગડતાં તેમને હોસ્પિટલમાં દાખલ કરવામાં આવ્યા હતા. પીએમ મોદીએ તેમની માતાના નિધનની જાણકારી આપી અને તેમને “કર્મયોગી” કહ્યા. પીએમ મોદીએ ટ્વીટ કર્યું, “એક ભવ્ય સદી ભગવાનના ચરણોમાં વિરાજે છે… માતામાં મેં હંમેશા તે ટ્રિનિટી અનુભવી છે, જેમાં એક તપસ્વીની યાત્રા છે, એક નિઃસ્વાર્થ કર્મયોગી અને મૂલ્યો માટે પ્રતિબદ્ધ જીવનનું પ્રતીક છે.”
દિગ્ગજ ફૂટબોલર પેલેનું નિધન
‘બ્લેક પર્લ’ તરીકે ઓળખાતા બ્રાઝિલના અનુભવી ફૂટબોલર પેલેનું પણ શુક્રવારે નિધન થયું હતું. પેલેને આંતરડાનું કેન્સર હતું અને તે છેલ્લા કેટલાક દિવસોથી સાઓ પાઉલોની હોસ્પિટલમાં દાખલ હતા. પેલેને ‘બ્લેક પર્લ’, ‘કિંગ ઓફ ફૂટબોલ’, ‘કિંગ પેલે’ જેવા ઘણા ઉપનામો મળ્યા. તેણે ખૂબ જ નાની ઉંમરમાં બ્રાઝિલને વર્લ્ડ કપ જીતાડ્યો હતો.
ભારતીય ક્રિકેટર ઋષભ પંતનો ભયાનક અકસ્માત
ટીમ ઈન્ડિયાના સ્ટાર ક્રિકેટર ઋષભ પંતની કારનો ભયંકર અકસ્માત થયો છે. આ અકસ્માતમાં ઋષભ પંત ગંભીર રીતે ઘાયલ થયો છે. રિષભની હોસ્પિટલમાં સારવાર ચાલી રહી છે. દિલ્હીથી પરત ફરતી વખતે હમ્માદપુર પાસે આ અકસ્માત થયો હોવાની પ્રાથમિક માહિતી છે. બીસીસીઆઇના ચેરમેન જય શાહ સહિત અનેક મહાનુભાવોએ ટ્વિટ કરીને ઋષભ પંતના જલદી સારા થવાની કામના કરી છે.
બ્લેક ફ્રાઇડે: બે મૃત્યુ અને એક દુ:ખદ અકસ્માત; PM મોદીની માતા હીરા બા અને દિગ્ગજ ફૂટબોલર પેલેનું નિધન, અકસ્માતમાં ઘાયલ પંત
ઋષભ પંત ને શિઘ્ર સ્વાસ્થ્ય લાભ થાય તેવી પ્રાર્થના