બિહારમાં સવારના 4 થી રાતના 8 સુધી નહીં ચાલે એક પણ ટ્રેન! અગ્નિપથના વિરોધ વચ્ચે Railwayએ લીધો મહત્ત્વપૂર્ણ નિર્ણય

ટૉપ ન્યૂઝ દેશ વિદેશ

અગ્નિપથ યોજના વિરોધમાં યુવાનો દ્વારા રેલવેની સંપત્તિઓને કરાઈ રહેલા નુકસાનને પગલે રેલવે બિહારમાં તમામ ટ્રેન અટકાવી દેવાનો નિર્ણય લીધો છે. બિહારમાં રેલવેએ જણાવ્યું હતું કે,, સવારે 4 વાગ્યાથી રાત્રે 8 વાગ્યા સુધી કોઈ ટ્રેન દોડાવવામાં આવશે નહીં. બિહારમાં ‘અગ્નિપથ’ યોજના સામે સૌથી વધુ હિંસા જોવા મળી છે. ગુસ્સે ભરાયેલા ટોળાએ ડઝનેક ટ્રેનોને આગ ચાંપી દીધી હતી અને ઘણા શહેરો અને નગરોમાં જાહેર સંપત્તિને નુકસાન પહોંચાડ્યું હતું. રેલવે અધિકારીઓના જણાવ્યા અનુસાર રેલવેની મિલકતો તોડવાથી માત્ર બિહારમાં જ ₹200 કરોડથી વધુનું નુકસાન થયું છે.

રેલવેએ જણાવ્યું હતું કે પ્રવાસી અને રેલવેની મિલકતોની સલામતીને ધ્યાનમાં રાખીને આવા પ્રકારનો નિર્ણય લેવાની જરૂર પડી છે. આથી હવે પૂર્વ મધ્ય રેલવેના અધિકારક્ષેત્રમાંથી પસાર થતી/આવતી ટ્રેનોનું સંચાલન 18.06.2022ના રોજ સવારે 20.00 કલાકથી 19.06.2022ના રોજ સવારે 04.00 કલાક સુધી અને ફરીથી 19.06.2022ના રોજ 20.00 વાગ્યાથી 20.00 વાગ્યા સુધી કરવામાં આવશે.

પૂર્વ મધ્ય રેલવેએ હિંસક વિરોધને કારણે ટ્રેનોના સંચાલનમાં કામચલાઉ ફેરફાર કર્યા છે. રેલવેએ જણાવ્યું કે પ્રદર્શનના કારણે યાત્રીઓની સુરક્ષાને ધ્યાનમાં રાખીને પૂર્વ મધ્ય રેલવેના કાર્યક્ષેત્રમાંથી અન્ય ઝોનલ રેલવેથી ખુલ્લેઆમ પસાર થતી ટ્રેનોના સંચાલનમાં કામચલાઉ ફેરફાર કરવામાં આવ્યો છે.

રેલવેએ શુક્રવારે જાણકારી આપી હતી કે હિંસક પ્રદર્શનના કારણે 300થી વધુ ટ્રેનો પ્રભાવિત થઈ છે, જ્યારે 234 ટ્રેનો રદ કરવામાં આવી છે. આ સાથે જ 7 ટ્રેનોમાં આગચંપી થઈ છે. રેલવેએ જણાવ્યું કે વિરોધના કારણે 94 મેલ અને એક્સપ્રેસ ટ્રેન અને 140 પેસેન્જર ટ્રેન રદ કરવામાં આવી છે. તે જ સમયે, 65 મેલ અને એક્સપ્રેસ ટ્રેનો અને 30 પેસેન્જર ટ્રેનો આંશિક રીતે રદ કરવામાં આવી છે. અધિકારીઓએ જણાવ્યું કે રેલવેએ 11 મેલ અને એક્સપ્રેસ ટ્રેનોના રૂટમાં ફેરફાર કરવામાં આવ્યા છે.

પ્રતિસાદ આપો

તમારું ઇમેઇલ સરનામું પ્રકાશિત કરવામાં આવશે નહીં.