ભિવંડીમાં અગ્નિકાંડઃ ચાર ગોડાઉન આગની લપેટમાં, કોઈ જાનહાનિ નહીં

ભિવંડીઃ ગુરુવારે સવારે ભિવંડીના એક કોમ્પ્લેક્સમાં બેગ બનાવનારા ચાર ગોડાઉનમાં આગ ફાટી નીકળી હતી. આ ગોડાઉન આોવળી ગામ નજીક મિની પંજાબ હોટેલ પાસે આવેલા છે. આ બધા ગોડાઉન ગ્રાઉન્ડ-વન ફ્લોરના છે. ઘટનાસ્થળે અગ્નિશામક દળના જવાનો, પોલીસ, એક જમ્બો વોટર ટેન્કર અને સ્થાનિક પાંચ પ્રાઈવેટ વોટર ટેંકર રવાના થઈ ચૂક્યા છે. સદભાગ્યે આ આગમાં કોઈ પણ પ્રકારની જાનહાનિ થઈ નથી. આગને નિયંત્રણમાં લેવાના તમામ પ્રયાસો અગ્નિશામક દળના જવાનો દ્વારા કરવામાં આવી રહ્યા હોવાનું અગ્નિશામક દળ દ્વારા જણાવવામાં આવ્યું હતું.