Homeવીકએન્ડતમને ખબર છે, બિલ ગેટ્સને એટલો ગભરાટ થાય છે કે...!

તમને ખબર છે, બિલ ગેટ્સને એટલો ગભરાટ થાય છે કે…!

ભાત ભાત કે લોગ – જ્વલંત નાયક

મોરબીની હોનારત બાદ ઘણાના મનમાં એવો ડર પેસી જશે કે દુનિયાના ગમે એ ખૂણે બંધાયેલા ઝૂલતા પુલ પર પગ મૂકતાં પહેલાં સો વખત વિચાર કરશે! આવો ડર સ્વાભાવિક છે. થોડા સમય બાદ ઘટના જૂની થાય, એમ આ પ્રકારના ડર સામૂહિક ચેતનામાંથી લુપ્ત થઇ જતા હોય છે. દાખલા તરીકે ૨૬ જાન્યુઆરી, ૨૦૦૧ને દિવસે ભૂજને ભરખી જનાર ગોઝારા ભૂકંપથી ઘણાને એવી માનસિક અસર થઇ ગયેલી કે તેઓ બીજે-ત્રીજે માળે આવેલા પોતાના જ ફ્લેટ સુધી જવાને બદલે આખી રાત ફૂટપાથ પર વિતાવવાનું પસંદ કરતા! થોડા દિવસો બાદ આ તમામ લોકો નોર્મલ થઇ ગયા. કોઈક ઘટનાથી ડરેલા લોકોમાં આવા સાઇકોલોજિકલ-ઈમોશનલ બદલાવો થોડા સમય પૂરતા આવે એ સમજી શકાય એવી બાબત છે, પણ ભલભલાને ઘોળીને પી જાય એવા ચમરબંધીઓ પણ સાવ કાલ્પનિક લાગે એવા ભય સામે રક્ષણ મેળવવા લાખો ડૉલર્સનો ધુમાડો કરતા હોય, એવું માનવામાં આવે ખરું?!
અંગ્રેજી ભાષામાં એક શબ્દ છે ‘ાયિાાયતિ. કેટલાક લોકો સતત ભયના ઓથાર હેઠળ જીવતા હોય છે. આવા લોકોનો ભય પાછો મારા-તમારા ભય કરતાં ક્યાંય મોટો હોવાનો. એમને ભય હોય છે પૃથ્વી પર અચાનક મોટી ઉલ્કા ખાબકવાનો… અથવા તો મોટાં ગૃહયુદ્ધો કે પછી મહાવિનાશક વિશ્ર્વયુદ્ધ ફાટી નીકળવાનો… કે પછી કોરોના જેવી કોઈ અત્યંત ચેપી બીમારી ફાટી નીકળવાનો! આવા લોકોને ‘ાયિાાયતિ તરીકે ઓળખવામાં આવે છે. હવે તમે મનુષ્યની સાઇકોલોજીનો અભ્યાસ કરજો. ડર દરેક વ્યક્તિને હોય જ, પરંતુ તમારો ડર મોટે ભાગે તમારી ક્ષમતા અને જીવનધોરણ મુજબનો જ હોવાનો! દાખલા તરીકે જરીક વધુ કે ઓછો વરસાદ પડે તો શહેરીલાલાને બહુ ફરક ન પડે, પણ ખેડૂતને માથે ચિંતાની લકીર ખેંચાઈ જાય! કહેવાનો ભાવાર્થ એ કે આપણને લાગતો ડર મોટે ભાગે આપણા કાર્યક્ષેત્ર અને રોજિંદા જીવન સાથે જોડાયેલી બાબતો અંગેનો હશે, પણ જે લોકો અનેક ક્ષેત્રોમાં પોતાનું પાથરણું પાથરીને બેઠા છે, એમનું શું? દાખલા તરીકે તમે સામાન્ય દુકાનદાર હોવ તો તમને દિવાળી પછી ઘરાકી કેવીક રહેશે એની ચિંતા હોય. બટ, એટ ધી સેમ ટાઈમ, રિલાયન્સના માલિક મુકેશ અંબાણીને યુદ્ધ, મહામારી, શેરબજાર, સરકાર, નરેન્દ્ર મોદી… સુધીની બધી બાબતે ચિંતા હોવાની! ક્યાંક જરા અમથી ખોટી હિલચાલ થઇ જાય તો ઓછામાં ઓછો હજાર-બારસો કરોડનો ફટકો પડ્યો જ સમજો!
આ જ કારણોસર દુનિયાભરના ઉદ્યોગપતિઓ-ધનપતિઓ સતત છૂપા ભય હેઠળ જીવે છે. ક્યારેક તો એમના ભય એટલા ‘વધુ પડતા’ લાગે કે આપણને શંકા જાય કે ક્યાંક ‘પાર્ટી’ની ડાગળી તો નથી ચસકી ગઈને?!
ગૂગલના કો-ફાઉન્ડર અને અબજોપતિ લેરી પેજ કોરોનાકાળ વખતે જબરું ગતકડું કરી ગયા. એની વાત કરતાં પહેલાં જાણી લો કે ઈ. સ. ૨૦૧૫માં ગૂગલ કંપનીને રિસ્ટ્રક્ચર કરવામાં આવી અને ગૂગલની પેરન્ટ કંપની તરીકે ‘આલ્ફાબેટ ઇન્કોર્પોરેશન’ નામક કંપની અસ્તિત્વમાં આવી, એના પ્રથમ સીઈઓ તરીકે લેરી પેજની વરણી કરવામાં આવેલી. ૪૯ વર્ષના લેરી મૂળભૂત રીતે તો કોમ્પ્યુટર સાયન્ટિસ્ટ છે, પણ ભવિષ્યની ટેક્નોલોજી અને એને સંલગ્ન બિઝનેસ બાબતે પણ ઊંડી સમજ ધરાવે છે. લેકિન, ક્ધિતુ, પરંતુ… આ લેરી મહાશય કોરોનાકાળ વખતે એવા ગભરાયા કે બધી ટેક્નોલોજી અને બિઝનેસ પ્લાન્સ પડતાં મૂકીને ફિજીભેગા થઇ ગયા! એમાં વળી લેરીભાઈએ એવું બહાનું કાઢ્યું કે તેઓ વૈશ્ર્વિક મહામારીના કાળમાં દવાઓનો જથ્થો લઈને ફિજી જઈ રહ્યા છે. લેરી ફિજી ટાપુના લોકો માટે દવાઓ લઇ ગયા એની ના નહિ, પણ એ તો ફિજી જવાનું બહાનું માત્ર હતું. એક વાર ફિજી પહોંચ્યા પછી લેરીભાઈ કોરોના ઓસર્યો ત્યાં સુધી ફિજીમાં જ રહી પડ્યા! પૈસાના જોરે એમણે પોતાના આ ફિજી નિવાસની વાત મીડિયા સુધી પહોંચતી અટકાવી, પણ ક્યાંક કોઈએ વટાણા વેરી નાખ્યા અને વાત જાહેર થઈ ગઈ! લેરી ધારે તો અમેરિકામાં જ પોતાના એકાદ આલીશાન મકાનમાં એકાંતવાસ ભોગવીને પણ કોરોનાથી બચી શક્યા હોત, પણ અંદરનો ભય એવો જોરદાર કે સાહેબ ઉચાળા ભરીને સીધા ફિજીભેગા થઇ ગયા!
હકીકતે ફિજી ટાપુઓ આમ પણ દૂરનું સ્થળ ગણાય, એટલે કોરોનાથી પ્રમાણમાં સારું એવું બચી શક્યા. બીજી તરફ ઘરઆંગણે અમેરિકામાં કોરોનાએ લાશોના ડુંગર ખડકી દીધેલા. તેમ છતાં લેરી પેજ દવા આપવાને બહાને (જીવ બચાવવા) ફિજી દોડ્યા, એમાં એમની પ્રતિષ્ઠાનું ખાસ્સું એવું ધોવાણ થયું. મજાની વાત એ છે કે લેરીભાઈની ‘આલ્ફાબેટ ઇન્કોર્પોરેશન’ કંપની પાછી કેલિકો લેબ્સ નામની એક કંપની ચલાવે છે. આ કંપની મનુષ્યના એજિંગ પ્રોસેસને (એટલે કે સમય સાથે વૃદ્ધ થવાની ઘટનાને) રિવર્સ કરીને જુવાની ટકાવી રાખવાના અને આયુષ્ય લાંબું કરવાના પ્રોજેક્ટ પર કામ કરે છે. એમેઝોનના માલિક એવા ધનકુબેર જેફ બેઝોસ પણ કેલિકો લેબ્સના આ પ્રોજેક્ટમાં ખાસ્સો રસ લઇ રહ્યા છે!
સેમ અલ્ટમેન નામના બીજા એક શ્રીમંત શેઠ ઘાયક્ષ અઈં નામની કંપનીના સીઈઓ છે. આ કંપની પોતાના નામ મુજબ જ ગેમિંગ અને આર્ટીફિશિયલ ઇન્ટેલિજન્સના ક્ષેત્રે બિઝનેસ કરે છે. સેમ પાસે અઢળક રૂપિયો છે. એની સામે ભયનું લિસ્ટ પણ લાંબું છે! ઈ. સ. ૨૦૧૬માં ‘ધી ન્યુ યોર્ક ટાઈમ્સ’ને આપેલા ઇન્ટરવ્યુમાં સેમ કબૂલે છે કે એ પોતે છેલ્લાં કેટલાંક વર્ષોથી બંદૂકો, સોનું અને પોટેશિયમ આયોડાઈડનો સંગ્રહ કરી રહ્યો છે, જેથી મહાયુદ્ધ જેવી પરિસ્થિતિ ઉદ્ભવે, ત્યારે આ બધું કામ લાગી શકે! આ ઉપરાંત તેણે પાવર મેળવવા માટે વિવિધ પ્રકારની બેટરીઝ, પાણી અને ગેસ માસ્કનો પણ મોટો જથ્થો જમા કરી રાખ્યો છે. એમાંય રાસાયણિક અથવા ગેસ એટેક સામે બચવા માટેનાં ગેસ માસ્ક તો ઈઝરાયલી ડિફેન્સ ફોર્સ પાસેથી બાકાયદા ખરીદવામાં આવ્યાં છે! તમને સહજપણે પ્રશ્ર્ન થશે કે આ બધી સામગ્રીને યોગ્ય રીતે સંઘરવી ક્યાં? અરે સાહેબ, સેમ અલ્ટોન શેઠ પાસે પૈસાની ક્યાં કમી છે?! એટલે પોતાનો શસ્ત્ર-સરંજામ મૂકવા માટે એણે મોટી બધી જમીન ખરીદી રાખી છે! સેમના ડરનું લિસ્ટ તમે જુઓ તો રીતસર ચોંકી જાવ, કદાચ આ માણસ તમને સાઇકો લાગી શકે. જે ખુદ ટોચની આર્ટિફિશિયલ ઇન્ટેલિજન્સ કંપનીનો માલિક છે, એવા સેમને આર્ટિફિશિયલ ઇન્ટેલિજન્સના ઉપયોગ વડે થઇ શકે એવા સંભવિત હત્યાકાંડનો ડર લાગે છે. (સાઉન્ડ્સ લાઈક હોલિવૂડ ફિલ્મ, હેંને?!) આ ઉપરાંત કુદરતી સ્રોતો પર કબજો જમાવવા માટે થનારા સંભવિત ન્યુક્લિયર વોર અને સિન્થેટિક વાઈરસનો ડર પણ સેમના મગજમાંથી નીકળતો નથી!
આ બધામાં આપણા જૂના ને જાણીતા બિલીશેઠ, એટલે કે ધનકુબેર બિલ ગેટ્સ પણ પાછળ નથી. વિવોઝ નામની એક કંપની ઉત્તરીય અમેરિકામાં ૫૭૫ જેટલાં મોટાં બંકર્સ બનાવીને બેઠી છે. આપણે ત્યાં બિલ્ડર્સ જે રીતે ટાઉનશિપનો પ્રોજેક્ટ્સ વેચવા માટે માર્કેટમાં મૂકે, એ રીતે આ કંપનીએ જમીનની નીચે આધુનિક ટેક્નોલોજીથી સજ્જ એવાં મસમોટાં બંકર્સ બનાવીને વેચવા કાઢ્યાં છે. આખો પ્રોજેક્ટ એક શહેર જેવડી મોટી જગ્યામાં ફેલાયેલો છે. કંપનીના દાવા મુજબ યુદ્ધ અથવા એ પ્રકારની કોઈ આસમાની-સુલતાની આફત ત્રાટકે ત્યારે આ બંકર્સ તમને છુપાઈ જવાના કામમાં આવશે!
કંપનીના દાવા મુજબ એના ગ્રાહકોનું નેટવર્ક જર્મનીથી માંડીને એશિયન દેશો સુધી વિકસેલું છે અને હાલમાં ૧૦,૦૦૦ કરતાં વધુ લોકો કંપનીની બંકર સર્વિસ માટે નામ નોંધાવી ચૂક્યા છે! યિંિફિદશદજ્ઞત.ભજ્ઞળ નામની વેબસાઈટ પર જઈને તમે આ વિષે વધુ માહિતી મેળવી શકો છો. આ કંપનીના સ્થાપક રોબર્ટ વિસીનો દાવો છે કે બિલ ગેટ્સના દરેક ઘરની નીચે વિશાળ કદના શેલ્ટર્સ બનાવવામાં આવ્યા છે, જ્યાં બિલીભાઈ કોઈક અણધારી મુસીબત સમયે આશરો લઇ શકે! ઘણા મોટા બૅન્કર્સ, ફિલ્મ સ્ટાર્સ, ખેલાડીઓ અને મૂડીપતિઓ આ પ્રકારનાં બંકર્સ પાછળ લાખો ડૉલર્સ ઇન્વેસ્ટ કરી રહ્યા છે! ત્રીજા વિશ્ર્વયુદ્ધથી માંડીને રાસાયણિક-જૈવિક હુમલાઓ કે પછી કુદરતી આફતોનો ભય તો ખરો જ, પણ એ સિવાય બીજો પણ એક ભય આ લોકોના મનમાં ઊંડે સુધી પેસી ગયો છે. આ ભય એટલે આખી સિસ્ટમ કોલેપ્સ થઇ જવાનો ભય! આર્થિક કે લશ્કરી કટોકટીને કારણે ભૂતકાળમાં અનેક દેશોનું આખું તંત્ર પડી ભાંગ્યું હોય એવા બનાવો બન્યા છે. હમણાં એવાં જ દૃશ્યો કંઈક અંશે આપણા પડોશી દેશ શ્રીલંકામાં પણ ભજવાઈ ગયાં, જ્યાં લોકોનાં ટોળાંએ એક સમયના પાવરફુલ ગણાતા નેતાની રસ્તા પર દોડાવી દોડાવીને હત્યા કરી નાખી! સ્વાભાવિક છે કે ટોચ પર બેઠેલી વ્યક્તિને આ પ્રકારના પતન અને અંતનો ભારે ડર લાગે!
તો વાત બધી આમ છે. જંગલમાં જેમ વાઘ-સિંહ જેવાં ખૂનખાર પશુઓ આહાર શૃંખલાની ટોચે બિરાજે છે, એમ માનવસમાજમાં આ ધનપતિઓ ટોચના સ્થાને બેઠા છે અને કદાચ એટલે જ એમને ખીણમાં ગબડી પડવાનો ભય સૌથી વધુ પ્રમાણમાં સતાવે છે! એવું નથી લાગતું કે દુનિયામાં જેને કોઈ ઝાઝું મહત્ત્વ નથી આપતું, એવો સાવ સામાન્ય માણસ મોટી પળોજણમાં પડ્યા વિના અસામાન્ય સુખ ભોગવી લે છે?!

RELATED ARTICLES

Most Popular