બીબીસીની ડોક્યુમેન્ટ્રી ‘ઈન્ડિયાઃ ધ મોદી ક્વેશ્ચન’ ને લઈને વિવાદ દિવસેને દિવસે વધી રહ્યો છે. તેની સ્ક્રીનિંગને લઈને ઘણી યુનિવર્સિટીઓમાં હોબાળો થયો છે. દિલ્હીની જેએનયુમાં ડોક્યુમેન્ટરી જોઈ રહેલા વિદ્યાર્થીઓ પર પથ્થરમારાની ઘટના બની હતી. આજે દિલ્હીની આંબેડકર યુનિવર્સિટીના વિદ્યાર્થીઓએ પણ ડોક્યુમેન્ટરીનું સ્ક્રિનિંગ કરવાનો પ્રયાસ કર્યો હતો. જોકે, સ્ક્રિનિંગ દરમિયાન યુનિવર્સિટી પ્રશાસને વીજ પુરવઠો કાપી નાખ્યો હતો અને પોલીસને બોલાવવામાં આવી હતી.
વિદ્યાર્થી સંગઠનોએ શુક્રવારે (27 જાન્યુઆરી)ના રોજ સ્ક્રીનિંગની જાહેરાત કરી હતી. જ્યારે વિદ્યાર્થીઓ યુનિવર્સિટી કેમ્પસમાં બીબીસી ડોક્યુમેન્ટરીનું સ્ક્રીનીંગ કરી રહ્યા હતા ત્યારે યુનિવર્સિટી તંત્રએ વીજળી કાપી નાખી હતી. આ પછી ઘટનાસ્થળે પહોંચેલી પોલીસે સ્ક્રીનિંગ માટે મુકવામાં આવેલ પડદો પણ હટાવી દીધો હતો. જાણવા મળ્યું છે કે પડદો હટાવ્યા બાદ વિદ્યાર્થીઓ અલગ-અલગ ગ્રૂપમાં બેસીને લેપટોપ પર ડોક્યુમેન્ટરી જોઈ હતી.
આજે દિલ્હી યુનિવર્સિટીમાં NSUI સહિત ઘણા વિદ્યાર્થી સંગઠનોએ BBCની ડોક્યુમેન્ટ્રી બતાવવાની જાહેરાત કરી છે. કેમ્પસમાં સાંજે 4 અને 5 કલાકે ડોક્યુમેન્ટરી દર્શાવવામાં આવશે. જોકે, ડીયુ પ્રશાસનનું કહેવું છે કે વિદ્યાર્થીઓએ આ માટે કોઈ પરવાનગી લીધી નથી. વહીવટીતંત્રે કહ્યું કે કેન્દ્ર સરકારે ડોક્યુમેન્ટ્રી પર પ્રતિબંધ મૂક્યો છે અને તે કેમ્પસમાં બતાવવામાં આવશે નહીં.
BBC Documentary: આંબેડકર યુનિવર્સિટીમાં વીજ પુરવઠો કટ, વિદ્યાર્થીઓએ લેપટોપ પર ડોક્યુમેન્ટરી જોઈ
