ટૉપ ન્યૂઝ
દેશ વિદેશ
એકસ્ટ્રા અફેર
પ્રજામત
રોજ બરોજ
મનોરંજન
સુખનો પાસવર્ડ
સ્પોર્ટસ
મુંબઈની આજ
વેપાર વાણિજ્ય
વાદ પ્રતિવાદ
શેરબજાર
સ્પેશિયલ ફિચર્સ
મેગેઝિન
ધર્મતેજ
પુરુષ
ઇન્ટરવલ
લાડકી
મેટિની
વીક એન્ડ
ઉત્સવ
ફનક્લબ
આ ખેલાડીએ દક્ષિણ આફ્રિકાની ધરતી પર એમએસ ધોની જેવા દિગ્ગજોનો મોટો રેકોર્ડ તોડ્યો
ભારતીય ટીમના વિકેટ કીપર બેટ્સમેન ઋષભ પંતે દક્ષિણ આફ્રિકા સામેની ત્રણ મેચની વનડે શ્રેણીની બીજી મેચમાં એક મોટો રેકોર્ડ બનાવ્યો છે. રિષભ પંત દક્ષિણ આફ્રિકાની ધરતી પર ભારત તરફથી સૌથી વધુ રન બનાવનાર બેટ્સમેન બની ગયા છે. આ મામલે તેમણે મહેન્દ્ર સિંહ ધોની જેવા દિગ્ગજોને પાછળ છોડી દીધા છે. જોકે, રિષભ પંત પહેલા, દક્ષિણ આફ્રિકામાં વિકેટકીપર તરીકે વન-ડે ઈન્ટરનેશનલ મેચોમાં સૌથી વધુ રન બનાવનાર ખેલાડી રાહુલ દ્રવિડ હતા, જેઓ હાલમાં ટીમ ઈન્ડિયાના મુખ્ય કોચ છે. રિષભ પંતને એમએસ ધોનીના શિષ્ય કહેવામાં આવે છે, જ્યારે રિષભ પંત પોતે પણ ધોનીને પોતાના ગુરુ માને છે.
વિકેટ કીપર બેટ્સમેન રિષભ પંતે પાર્લના બોલેન્ડ પાર્ક ખાતે દક્ષિણ આફ્રિકા સામે 71 બોલમાં 10 ચોગ્ગા અને 2 છગ્ગાની મદદથી 85 રન બનાવ્યા હતા. તેઓ દક્ષિણ આફ્રિકામાં વન-ડે ઈન્ટરનેશનલમાં વિકેટ કીપર તરીકે ભારત માટે સૌથી વધુ રન બનાવનાર ખેલાડી બન્યા, તેમણે 78 રન બનાવ્યા. તેમના પહેલા, 2001માં ડરબનમાં વિકેટકીપર તરીકે દક્ષિણ આફ્રિકામાં એક વનડે ઇન્ટરનેશનલ મેચમાં રાહુલ દ્રવિડે 77 રન બનાવ્યા હતા. તે જ સમયે, એમએસ ધોનીએ વર્ષ 2013માં જોહાનિસબર્ગમાં 65 રનની ઇનિંગ રમી હતી. દ્રવિડે 2003માં 62 રન બનાવ્યા હતા. આ સિવાય દક્ષિણ આફ્રિકાની ધરતી પર કોઈપણ વિકેટકીપર 60થી વધુ રન બનાવી શક્યો નથી.
ડાબોડી બેટ્સમેન ઋષભ પંતે આ મેચમાં ટીમ ઈન્ડિયામાં વાપસી કરી હતી. તેઓ આ મેચમાં તેમની વન-ડે ઈન્ટરનેશનલ કારકિર્દીની પ્રથમ સદી પૂરી કરશે તેવી આશા હતી, પરંતુ તેમ થઈ શક્યું નહીં. તેણે 85 રનમાં પોતાની વિકેટ ગુમાવી હતી અને આ તેમનો વન-ડે ઈન્ટરનેશનલ ક્રિકેટમાં સર્વોચ્ચ સ્કોર છે. અત્યાર સુધી, તેઓ ચાર વખત 50 થી વધુ રન બનાવવામાં સફળ રહ્યા છે, પરંતુ તેઓ સદી સુધી પહોંચી શક્યા નથી.
