ટૉપ ન્યૂઝ
દેશ વિદેશ
એકસ્ટ્રા અફેર
પ્રજામત
રોજ બરોજ
મનોરંજન
સુખનો પાસવર્ડ
સ્પોર્ટસ
મુંબઈની આજ
વેપાર વાણિજ્ય
વાદ પ્રતિવાદ
શેરબજાર
સ્પેશિયલ ફિચર્સ
મેગેઝિન
ધર્મતેજ
પુરુષ
ઇન્ટરવલ
લાડકી
મેટિની
વીક એન્ડ
ઉત્સવ
ફનક્લબ
ધાતુમાં મર્યાદિત કામકાજો વચ્ચે મિશ્ર વલણ
(વાણિજ્ય પ્રતિનિધિ તરફથી)
મુંબઈ: લંડન મેટલ એક્સચેન્જ ખાતે આજે ચીનના નવા લ્યુનાર વર્ષની ઉજવણીની રજાઓ પૂર્વે કોપરમાં માગ નિરસ રહેતાં સત્રના આરંભે ભાવ ઘટીને ટનદીઠ ૯૭૦૦ ડૉલરની અંદર ઊતરીને ૯૬૪૪ ડૉલર આસપાસ ક્વૉટ થઈ રહ્યા હોવાના અહેવાલ સાથે સ્થાનિક ધાતુ બજારમાં પણ કોપરની ચોક્કસ વેરાઈટીઓ અને નિકલમાં સ્ટોકિસ્ટોની વેચવાલી તેમ જ સાર્વત્રિક સ્તરેથી માગ નિરસ રહેતાં ભાવમાં કિલોદીઠ રૂ. ૨થી ૨૦નો ઘટાડો આવ્યો હતો. જોકે આજે ટીનમાં સ્ટોકિસ્ટોની સતત બીજા સત્રમાં લેવાલી જળવાઈ રહેતાં ભાવમાં કિલોદીઠ રૂ. ૨૫નો અને એલ્યુમિનિયમ ઈન્ગોટ્સ તથા ઝિન્ક સ્લેબમાં વપરાશકાર ઉદ્યોગની માગને ટેકે ભાવમાં કિલોદીઠ રૂ. ૩નો સુધારો આવ્યો હતો. આ સિવાયની અન્ય ધાતુઓમાં ટકેલું વલણ રહ્યું હતું.
બજારનાં સાધનોના જણાવ્યાનુસાર આજે સ્થાનિકમાં મુખ્યત્વે ટીનમાં સતત બીજા સત્રમાં સ્ટોકિસ્ટોની લેવાલી ઉપરાંત સાર્વત્રિક સ્તરેથી માગને ટેકે ભાવ કિલોદીઠ રૂ. ૨૫ વધીને રૂ. ૩૩૨૫ના મથાળે અને એલ્યુમિનિયમ ઈન્ગોટ્સ તથા ઝિન્ક સ્લેબમાં વપરાશકાર ઉદ્યોગ તથા સ્થાનિક ડીલરોની માગને ટેકે ભાવ કિલોદીઠ રૂ. ૩ વધીને અનુક્રમે રૂ. ૨૫૧ અને રૂ. ૩૦૪ના મથાળે રહ્યા હતા.
વધુમાં આજે વૈશ્ર્વિક નિરુત્સાહી અહેવાલે સ્ટોકિસ્ટોની વેચવાલી તેમ જ ઔદ્યોગિક વપરાશકારોની માગ નિરસ રહેતાં નિકલના ભાવ કિલોદીઠ રૂ. ૨૦ ઘટીને રૂ. ૧૭૩૦, કોપર વાયરબારના ભાવ કિલોદીઠ રૂ. ૧૨ ઘટીને રૂ. ૭૭૮, કોપર કેબલ સ્ક્રેપના ભાવ કિલોદીઠ રૂ. ૭ ઘટીને રૂ. ૭૩૦, કોપર સ્ક્રેપ હેવીના ભાવ કિલોદીઠ રૂ. ૪ ઘટીને રૂ. ૭૨૧ અને કોપર આર્મિચરના ભાવ કિલોદીઠ રૂ. ૨ ઘટીને રૂ. ૭૦૩ના મથાળે રહ્યા હતા.
જોકે આજે કોપર યુટેન્સિલ્સ સ્ક્રેપ, બ્રાસ, એલ્યુમિનિયમ યુટેન્સિલ્સ સ્ક્રેપ અને લીડ ઈન્ગોટ્સમાં છૂટીછવાઈ માગ જળવાઈ રહેતાં ભાવમાં ટકેલું વલણ રહ્યું હોવાનું સૂત્રોએ જણાવ્યું હતું.
