ટૉપ ન્યૂઝ
દેશ વિદેશ
એકસ્ટ્રા અફેર
પ્રજામત
રોજ બરોજ
મનોરંજન
સુખનો પાસવર્ડ
સ્પોર્ટસ
મુંબઈની આજ
વેપાર વાણિજ્ય
વાદ પ્રતિવાદ
શેરબજાર
સ્પેશિયલ ફિચર્સ
મેગેઝિન
ધર્મતેજ
પુરુષ
ઇન્ટરવલ
લાડકી
મેટિની
વીક એન્ડ
ઉત્સવ
ફનક્લબ
આઇપીએલ 2022: મેગા હરાજીમાં શ્રેયસ ઐયર, યુઝવેન્દ્ર ચહલ, ડેવિડ વોર્નર પર મોટી બોલી લાગવાની સંભાવના
ઈન્ડિયન પ્રીમિયર લીગની હરાજી એક એવી ઘટના છે જેની સમગ્ર વિશ્વના તમામ આઇપીએલ ચાહકો રાહ જોઈ રહ્યા છે. આવતા મહિને યોજાનારી ઇન્ડિયન પ્રીમિયર લીગની મેગા હરાજીમાં 1,200થી વધુ ખેલાડીઓએ પોતાની નોંધણી કરાવી છે. આવતા મહિને 12 અને 13 ફેબ્રુઆરીના રોજ 2-દિવસીય મેગા હરાજી યોજાવાની શક્યતા છે.
હરાજીમાં નામ નોંધણી કરાવવાની અંતિમ તારીખ 21 જાન્યુઆરી નક્કી કરવામાં આવી હતી. યાદીમાં 270 કેપ્ડ ખેલાડીઓ, 903 અનકેપ્ડ અને 41 સહયોગી રાષ્ટ્રના ખેલાડીઓનો સમાવેશ થાય છે. 896 ભારતીય ખેલાડીઓ ઉપરાંત કુલ 318 વિદેશી ખેલાડીઓએ હરાજીમાં નોંધણી કરાવી છે. હરાજીની યાદીમાં ઓસ્ટ્રેલિયા, દક્ષિણ આફ્રિકા અને વેસ્ટ ઈન્ડિઝના ખેલાડીઓ સૌથી વધુ છે. ઓસ્ટ્રેલિયાના કુલ 59, દક્ષિણ આફ્રિકાના 48 અને વેસ્ટ ઈન્ડિઝના 41 ખેલાડીઓ છે. આ ત્રણ સિવાય શ્રીલંકા, ઈંગ્લેન્ડ અને ન્યુઝીલેન્ડના અનુક્રમે 36, 30 અને 29 ખેલાડીઓ છે.
બેન સ્ટોક્સ, ક્રિસ ગેલ, જોફ્રા આર્ચર, મિશેલ સ્ટાર્ક, ક્રિસ વોક્સ અને સેમ કુરાન જેવા વિદેશી ખેલાડીઓએ અંગત સમસ્યાઓના કારણે આઇપીએલ 2022માં ભાગ નહીં લેવાનો નિર્ણય કર્યો છે.
આઇપીએલ 2022 હરાજીની ઊંચી બેઝ પ્રાઈસ (2 કરોડ રૂપિયા) ધરાવતા ખેલાડીઓની યાદીમાં અંબાતી રાયડુ, ભુવનેશ્વર કુમાર, દીપક ચહર, દેવદત્ત પડિકલ, દિનેશ કાર્તિક, હર્ષલ પટેલ, ઈશાન કિશન, કૃણાલ પંડ્યા, મોહમ્મદ શમી, રવિચંદ્રન અશ્વિન, રોબિન ઉથપ્પા, શાર્દુલ ઠાકુર, શિખર ધવન, શ્રેયસ અય્યર, સુરેશ રાવળ, સુરેશ અને યુઝવેન્દ્ર ચહલ જેવા ભારતીય ખેલાડીઓ અને એડમ ઝમ્પા, આદિલ રશીદ, એશ્ટન અગર, ક્રિસ જોર્ડન, ક્રેગ ઓવરટોન, ડેવિડ વોર્નર, ડેવિડ વિલી, ડ્વેન બ્રાવો, એવિન લુઈસ, ફેબિયન એલન, ફાફ ડુ પ્લેસિસ, ઈમરાન તાહિર, જેમ્સ વિન્સ, જેસન રોય, જોશ હેઝલવુડ, કાગીસો રબાડા , લોકી ફર્ગ્યુસન , માર્ચેન્ટ ડી લેંગ , માર્ક વુડ , મેથ્યુ વેડ , મિશેલ માર્શ , મુજીબ ઝદરાન , મુસ્તાફિઝુર રહેમાન , નાથન કુલ્ટર-નાઇલ , ઓડિયન સ્મિથ , પેટ કમિન્સ , ક્વિન્ટન ડી કોક સેમ બિલિંગ્સ , સાકિબ મહમૂદ , શાકિબ અલ હસન , સ્ટીવ સ્મિથ &ટ્રેન્ટ બોલ્ટ જેવા વિદેશી ખેલાડીઓનો સમાવેશ થાય છે.
દોઢ કરોડ રૂપિયાની બેઝ પ્રાઇઝ ધરાવતા ભારતીય ખેલાડીઓમાં અમિત મિશ્રા, ઈશાંત શર્મા અને વોશિંગ્ટન સુંદર અને વિદેશી ખેલાડીઓમાં એરોન ફિન્ચ, એડમ મિલ્ને, એલેક્સ હેલ્સ, ક્રિસ લિન, કોલિન ઇન્ગ્રામ, કોલિન મુનરો, ડેવિડ મલાન, ઇઓન મોર્ગન, ગ્લેન ફિલિપ્સ, જેસન હોલ્ડર, જિમી નીશમ, જોની બેરસ્ટો, કેન રિચર્ડસન, નાથન લિયોન, નિકોલસ પૂરન, શિમરોન હેટમીર અને ટિમ સાઉથી છે.
એક કરોડ રૂપિયાની બેઝ પ્રાઇઝ ધરાવતા ભારતીય ખેલાડીઓમાં અજિંક્ય રહાણે, જયંત યાદવ, કેદાર જાધવ, કુલદીપ યાદવ, મનીષ પાંડે, નીતિશ રાણા, પીયૂષ ચાવલ, પ્રસિદ્ધ કૃષ્ણ, ટી નટરાજન અને રિદ્ધિમાન સાહા અને વિદેશી ખેલાડીઓમાં એઇડન માર્કરામ, એન્ડ્રુ ટાય, કોલિન ડી ગ્રાન્ડહોમ, ડેન લોરેન્સ, ડી'આર્સી શોર્ટ, ડેવોન કોનવે, જેમ્સ ફોકનર, જોશ ફિલિપ, લિયામ લિવિંગસ્ટોન, માર્નસ લાબુશેન, મિશેલ સેન્ટનર, મોહમ્મદ નબી, મોઇસેસ હેનરિક્સ, ઓલી પોપ, રાસી વાન ડુસેન, રિલી રોસોઉ, રિલે મેરેડિથ, રોસ્ટન ચેઝ, શેરફેન રધરફોર્ડ, તબરેઝ શમ્સી, ટાઇમલ મિલ્સ અને વાનિન્દુ હસરાંગા સામેલ છે.
જાણવા મળ્યા મુજબ બીસીસીઆઇ 27 માર્ચથી આઇપીએલ 2022 શરૂ કરવાની યોજના બનાવી રહ્યું છે. લખનઊ અને અમદાવાદની બે નવી ટીમો સહિત તમામ 10 આઇપીએલ ટીમ માલિકો ભારતમાં જ આઇપીએલ યોજાય એમ ઇચ્છે છે, જેમાં મુંબઈ અને પુણે બે પસંદગીના શહેરો છે. તેમની બીજી પસંદગી સંયુક્ત આરબ અમીરાત છે જ્યાં આઈપીએલનું ત્રણ વખત આયોજન કરવામાં આવ્યું છે જ્યારે અંતિમ વિકલ્પ દક્ષિણ આફ્રિકા છે જ્યાં 2009માં મેગા ઈવેન્ટનું આયોજન કરવામાં આવ્યું હતું.
