છતીસગઢના રાયપુરમાં RSSની અખિલ ભારતીય સમન્વય બેઠક, મોહન ભાગવત અને જેપી નડ્ડાએ હાજરી આપી

ટૉપ ન્યૂઝ દેશ વિદેશ

આજથી રાષ્ટ્રીય સ્વયંસેવક સંઘની અખિલ ભારતીય સમન્વય બેઠકની રાયપુરના જનમાનસ ભવન ખાતે શરૂઆત થઈ છે. આ બેઠકનું ઉદ્ઘાટન સરસંઘચાલક ડો. મોહન ભાગવત અને સરકાર્યવાહ દત્તાત્રેય હોસાબલેએ કર્યું હતું. આ બેઠકમાં 36 સંગઠનોના અખિલ ભારતીય પદાધિકારીઓ ભાગ લઈ રહ્યા છે. આ પ્રસંગે બીજેપી અધ્યક્ષ જેપી નડ્ડા પણ હાજર હતા.
આ બેઠકમાં વર્તમાન રાષ્ટ્રીય અને સામાજિક પરિદ્રશ્ય, શિક્ષણ, સેવા, આર્થિક અને રાષ્ટ્રીય સુરક્ષા સંબંધિત મુદ્દાઓ પર ચર્ચા કરવામાં આવશે. ગાય સેવા, ગ્રામ વિકાસ, પર્યાવરણ, કુટુંબ પ્રબોધન, સામાજિક સમરસતા વગેરે વિષયોને આગળ લઈ જવા અંગે પણ ચર્ચા-વિચારણા કરવામાં આવશે. સંસ્થાના વિસ્તરણ અને વિશેષ પ્રયોગો વિશે પણ ચર્ચા કરવામાં આવશે. આ બેઠક 12 સપ્ટેમ્બર સુધી ચાલશે.
આરએસએસના અખિલ ભારતીય પ્રચારકના વડા સુનીલ આંબેકરે જણાવ્યું હતું કે આ બેઠકમાં વિદ્યા ભારતી, વિદ્યાર્થી પરિષદ, સક્ષમ, વનવાસી કલ્યાણ આશ્રમ, સેવા ભારતી, વિશ્વ હિન્દુ પરિષદ, રાષ્ટ્ર સેવિકા સમિતિ, ભારતીય જનતા પાર્ટી, ભારતીય મજદૂર સંઘ, ભારતીય કિસાન સંઘના નજીકના સભ્યો હાજર રહ્યા છે.
રાયપુર એરપોર્ટની સામે બનેલ માનસ ભવનમાં આ શિબિર જોયાઈ છે. નક્કી લોકો સિવાય કોઈને પણ અંદર જવાની પરવાનગી નથી. મીડિયાને પણ આ બેઠકથી દૂર રાખવામાં આવ્યું છે. કાર્યક્રમને લઈને એક દિવસ પહેલા યોજાયેલી પ્રેસ કોન્ફરન્સમાં સંઘના અધિકારીઓએ મીડિયાને માત્ર કાર્યક્રમ વિશે જણાવ્યું, કોઈ પ્રશ્નનો જવાબ આપ્યો ન હતો.

પ્રતિશાદ આપો

તમારું ઇમેઇલ સરનામું પ્રકાશિત કરવામાં આવશે નહીં.