ફિલિપાઈન્સ બાદ હવે આ દેશ ભારતની બ્રહ્મોસ મિસાઈલ ખરીદશે

ટૉપ ન્યૂઝ દેશ વિદેશ

ભારતની બ્રહ્મોસ મિસાઈલ ખરીદવા માટે ઈન્ડોનેશિયા સાથે કરાર થવા જઈ રહ્યો છે. આ સોદો આ વર્ષના અંત સુધીમાં અથવા આવતા વર્ષની શરૂઆતમાં થઈ શકે છે. ઈન્ડોનેશિયા ભારતથી બ્રહ્મોસ મિસાઈલ આયાત કરનાર બીજો આસિયાન દેશ બનશે. આ પહેલા ભારત આ મિસાઈલ ફિલિપાઈન્સને વેચી ચૂક્યું છે.
ભારતની એક્ટ ઈસ્ટ પોલિસીને વધુ એક મોટી જીત મળવા જઈ રહી છે. ભારત ઇન્ડોનેશિયાને એન્ટી શિપ વેરિઅન્ટ બ્રહ્મોસ મિસાઇલ વેચવા જઇ રહ્યું છે. બંને દેશો વચ્ચે આ ડીલ આ વર્ષના અંત સુધીમાં થઈ શકે છે. એક અહેવાલ મુજબ, ભારતથી બ્રહ્મોસ સુપરસોનિક ક્રૂઝ મિસાઈલની આયાત માટે ઈન્ડોનેશિયા સાથે વાતચીત અંતિમ તબક્કામાં છે. ભારત અને રશિયાએ સંયુક્ત રીતે આ મિસાઇલ વિકસાવી છે.
જોકે આ ડીલ પર પહેલા હસ્તાક્ષર થઈ શક્યા હોત, પરંતુ ઈન્ડોનેશિયાની આંતરિક બાબતોને કારણે આ વર્ષના અંત સુધીમાં અથવા આવતા વર્ષની શરૂઆતમાં તેના પર હસ્તાક્ષર થવાની ધારણા છે.
ઈન્ડોનેશિયા ભારતથી બ્રહ્મોસ મિસાઈલ આયાત કરનાર બીજો આસિયાન દેશ બનશે. આ પહેલા ભારત આ મિસાઈલ ફિલિપાઈન્સને વેચી ચૂક્યું છે.
2018માં સૌપ્રથમવાર એવું નોંધવામાં આવ્યું હતું કે ઇન્ડોનેશિયા એ દેશોમાં સામેલ હતું જેણે ભારત પાસેથી બ્રહ્મોસ મિસાઇલો ખરીદવાની તૈયારી દર્શાવી હતી. જાન્યુઆરી 2018માં નવી દિલ્હીમાં ASEAN-ભારત કોમેમોરેટિવ સમિટ (ASEAN-India Commemorative Summit) દરમિયાન, ASEAN દેશોએ ભારત પાસેથી બ્રહ્મોસ અને આકાશ મિસાઇલો ખરીદવાની તૈયારી દર્શાવી હતી.
આ વર્ષની શરૂઆતમાં ભારત અને ફિલિપાઈન્સે બ્રહ્મોસ સુપરસોનિક ક્રૂઝ મિસાઈલ માટે $374.96 મિલિયનના કરાર પર હસ્તાક્ષર કર્યા હતા. ફિલિપાઈન્સ ભારત પાસેથી આ મિસાઇલ ખરીદનારો પ્રથમ આસિયાન દેશ બન્યો હતો.
ઈન્ડોનેશિયા જે બ્રહ્મોસ મિસાઈલ ભારત પાસેથી આયાત કરવા જઈ રહ્યું છે તે યુદ્ધ જહાજો પર ફીટ કરી શકાય છે. ભારત અને રશિયાના બ્રહ્મોસ એરોસ્પેસ જોઈન્ટ વેન્ચરની એક ટીમ યુદ્ધ જહાજો પર મિસાઈલ ફીટ કરવાની શક્યતાનો અભ્યાસ કરવા માટે ઈન્ડોનેશિયાના શિપયાર્ડની મુલાકાત લઈ ચૂકી છે.
બ્રહ્મોસ ટૂંકા અંતરની રામજેટ સુપરસોનિક ક્રુઝ મિસાઈલ છે. તેને એરક્રાફ્ટ, જહાજ, જમીન અને સબમરીનથી લોન્ચ કરી શકાય છે. આ મિસાઈલ અવાજની ઝડપ કરતા ત્રણ ગણી વધારે ઝડપે પ્રહાર કરી શકે છે. બ્રહ્મોસ $300 મિલિયનના બજેટમાં તૈયાર કરવામાં આવ્યું છે. ઈન્ડોનેશિયા ઉપરાંત મલેશિયા, સિંગાપોર, થાઈલેન્ડ અને વિયેતનામે પણ તેને ખરીદવાની ઈચ્છા દર્શાવી છે.
અગાઉ એવા અહેવાલો આવ્યા હતા કે વિયેતનામ બ્રહ્મોસ અને આકાશ મિસાઈલ ખરીદવા માટે ભારત સાથે વાતચીત કરી રહ્યું છે. આ સિવાય મલેશિયા સાથે પણ વાતચીત ચાલી રહી હતી, પરંતુ તે હજુ પ્રારંભિક તબક્કામાં છે.
ઈન્ડોનેશિયા સાથે ભારતનો સોદો વર્ષના અંતમાં અથવા આવતા વર્ષની શરૂઆતમાં થઈ શકે છે. તેનાથી આ ક્ષેત્રમાં ભારતની વ્યૂહાત્મક પકડ મજબૂત થશે.

પ્રતિશાદ આપો

તમારું ઇમેઇલ સરનામું પ્રકાશિત કરવામાં આવશે નહીં.