દેશમાં ફરી એક વખત કોરોના મહામારી માથું ઊંચકી રહી છે અને દિવસે દિવસે કોરોનાના કેસમાં વધારો જોવા મળી રહ્યા છે. તાજેતરમાં જ દિગ્ગજ અભિનેત્રી કિરણ ખેરે સોશિયલ મીડિયા પર ટ્વીટ કરીને માહિતી આપી હતી કે તેમનો કોરોના ટેસ્ટ પોઝિટિવ આવ્યો છે અને હવે કિરણ ખેર બાદ અભિનેત્રી પૂજા ભટ્ટ પણ કોવિડ -19ની ચપેટમાં આવી ગઈ છે અને તેણે સોશિયલ મીડિયા પર પોસ્ટ કરીને આ અંગેની માહિતી આપી હતી.
શુક્રવારે સવારે જ પૂજા ભટ્ટે તેના ઓફિશિયલ ટ્વિટર હેન્ડલ પર તેના કોરોના પોઝિટિવ હોવાની માહિતી આપી હતી. તેણે એક વીડિયો શેર કર્યો અને ટ્વીટ કર્યું હતું કે અને બરાબર 3 વર્ષ પછી મારો પ્રથમ વખત કોરોના પોઝિટિવ ટેસ્ટ આવ્યો છે. માસ્ક પહેરો. કોવિડ હજી પણ છે અને વેક્સિનેટેડ હોવા છતાં પણ તમને કોરોના થઈ શકે છે. આશા છે કે હું જલ્દી રિકવર થઈને પાછી સાજી થઈ જઈશ.
પૂજા ભટ્ટ ફિલ્મ નિર્માતા મહેશ ભટ્ટની સૌથી મોટી પુત્રી છે. તેણે 1989માં 17 વર્ષની ઉંમરે તેના પિતા દ્વારા નિર્દેશિત ટીવી ફિલ્મ ‘ડેડી’થી અભિનય કારકિર્દીની શરૂઆત કરી હતી. પૂજાની આમિર ખાન સાથેની ‘દિલ હૈ કી માનતા નહીં’ ઘણી હિટ રહી હતી. આ ફિલ્મ 1991માં રિલીઝ થઈ હતી. પૂજાએ ‘કજરારે’, ‘જિસ્મ 2’ જેવી ફિલ્મો પણ ડિરેક્ટ કરી છે.
પૂજા ભટ્ટ છેલ્લે ‘ચુપઃ રિવેન્જ ઓફ ધ આર્ટિસ્ટ’માં જોવા મળી હતી. આ ફિલ્મમાં સની દેઓલ, દુલકર સલમાન અને શ્રેયા ધનવંતરીએ પણ મહત્વની ભૂમિકાઓ ભજવી હતી. આ ઉપરાંત તે OTT શો ‘બોમ્બે બેગમ’ અને ‘સડક 2’ જેવી ફિલ્મોમાં પણ જોવા મળી હતી.

And exactly 3 yrs later,I have tested positive for the first time. Mask up people! Covid is still very much around & can get to you despite being fully vaccinated. Hopefully I shall be back on my feet soon 🙏 https://t.co/WmNV6dH97n

— Pooja Bhatt (@PoojaB1972) March 24, 2023