પોતાના અહેવાલો દ્વારા દુનિયાભરની શેરબજારોમાં હલચલ મચાવનાર હિંડનબર્ગ રિસર્ચ હવે ટૂંક સમયમાં વધુ એક મોટો રિપોર્ટ બહાર પાડવા જઈ રહી છે. શોર્ટ સેલિંગ ફર્મ હિંડનબર્ગ રિસર્ચે એક ટ્વીટમાં કહ્યું કે ટૂંક સમયમાં મોટો રિપોર્ટ આવી રહ્યો છે.
New report soon—another big one.
— Hindenburg Research (@HindenburgRes) March 22, 2023
“>
હિંડનબર્ગના અગાઉના અહેવાલને કારણે ભારતીય અબજોપતિ ઉદ્યોગપતિ ગૌતમ અદાણીને શેરબજારમાં ભારે નુકસાન થયું હતું. એટલું જ નહીં, અદાણીની ઘણી કંપનીઓ સેબીની દેખરેખ હેઠળ પણ આવી ગઈ છે.
હિન્ડેનબર્ગ રિસર્ચ એ ફાઇનાન્સિયલ રીસર્ચ કરનારી પેઢી છે જે ઇક્વિટી, ક્રેડિટ અને ડેરિવેટિવ્ઝ બજારો પરના ડેટાનું વિશ્લેષણ કરે છે. તેની સ્થાપના વર્ષ 2017માં નેથન એન્ડરસન દ્વારા કરવામાં આવી હતી. હિન્ડેનબર્ગ રિસર્ચ હેજ ફંડ બિઝનેસ પણ ચલાવે છે. તે કોર્પોરેટ જગતની પ્રવૃત્તિઓ વિશે ખુલાસો કરવા માટે જાણીતું છે. કંપનીનું નામ 1937માં થયેલી હિન્ડેનબર્ગ દુર્ઘટના પર આધારિત છે, જ્યારે જર્મન પેસેન્જર એરશીપમાં આગ લાગી હતી, જેમાં 35 લોકો માર્યા ગયા હતા.
કંપની રીસર્ચ કરે છે કે શું શેરબજારમાં નાણાંનો કોઈ દુરુપયોગ થયો છે? શું કંપની પોતાના ફાયદા માટે શેરબજારમાં ખોટી રીતે દાવ લગાવીને અન્ય કંપનીઓના શેરને નુકસાન તો નથી કરી રહી?
અદાણી ગ્રુપ પહેલા હિંડનબર્ગ અમેરિકા, કેનેડા અને ચીનની લગભગ 18 કંપનીઓ પર અલગ-અલગ રિપોર્ટ્સ પ્રકાશિત કરી ચુકી છે, જેના પછી ભારે હોબાળો થયો હતો. મોટાભાગની કંપનીઓ અમેરિકાની હતી, કંપનીઓને પર ઘણા આરોપોનો સામનો કરવો પડ્યો હતો.
