બે વર્ષના વિરામ બાદ ૧૮ અને ૧૯ ફેબ્રુઆરીએ પાલઘરમાં યોજાશે “બોરડી ચીકૂ મહોત્સવ”

ગુજરાત, મુંબઈ અને થાનેના લોકો માટે આકર્ષણનું કેન્દ્ર એવો બોરડી ચીકૂ મહોત્સવ બે વર્ષના વિરામ બાદ તારીખ ૧૮ અને ૧૯ ફેબ્રુઆરીના રોજ યોજાનાર છે. છેલ્લા બે વર્ષથી કોવિડને કારણે આ મહોત્સવ યોજાયો નહતો. અત્રે ઉલ્લેખનીય છે કે દર વર્ષે લાખોની સંખ્યામાં લોકો આ મહોત્સવમાં ભાગ લેતા હોય છે
રૂરલ એન્ટરપ્રેનિયર વેલફેર ફાઉન્ડેશ તથા કેટલીક સ્થાનિક સંસ્થાઓ અને સ્પોન્સર દ્વારા આ સપ્તાહના અંતમાં બોરડી બીચ ખાતે ચીકૂ મહોત્સવનું આયોજન કરવામાં આવ્યું છે. આ મહોત્સવની આ વર્ષની થીમ છે “બેસ્ટ ફ્રોમ વેસ્ટ” જેમાં સ્થાનિક કલા અને વોક્લ ફોર લોકલ ને ધ્યાનમાં રાખી પ્રદર્શન યોજાશે.
આ બે દિવસીય ચીકૂ મહોત્સવ એ ખવના શોખીનો માટે એક ટ્રિટ હશે જેમાં શાકાહારી અને માંસાહારી પદાર્થોના સ્ટોલ હશે. ચીકૂમાંથી બનેલા ખાસ પદાર્થો પણ આ મહોત્સવમાં ઉપલબ્ધ હશે. આ મહોત્સવમાં આદિવાસી પેઇન્ટિંગ, પોટરી મેકિંગ, બાંબુમાંથી બાસ્કેટ બનાવવાની કળા, હેંડીક્રાફટ અને કાર્ટૂન મેકીંગ વગેરે આ મહોત્સવના આકર્ષણ હશે. આ સાથે સ્થાનિક કલાકારો દ્વારા લોકનૃત્યોનું પણ મંચન થશે. બાળકો માટે પણ ઘણા આકર્ષણો આ મહોત્સવમાં હશે.