સાહબ બાથરૂમ મેં હે-આશ કરણ અટલ
————
સ્થાયી પાત્રો વિશેની જાણકારી મેળવ્યા બાદ
હવે આ બધાં સ્થાયી પાત્રોના પ્રકારો વિશે જાણકારી મેળવી લઈએ
————
ખલનાયકના
પ્રકારઆપણી ફિલ્મોમાં નાયકોની જેમ જ અનેક પ્રકારના ખલનાયક મળી આવે છે. કેટલાક ખાસ પ્રકારના ખલનાયકોના પ્રકાર અંગે આપણે આગામી દિવસોમાં માહિતી મેળવશું.
—————
નેતા ખલનાયક
ભારતમાં ફિલ્મો બનવાને ૧૦૦ વર્ષથી વધુ સમય થઈ ગયો છે, આમ છતાં ફિલ્મોમાં નેતા ખલનાયકના આગમનને ઘણો ઓછો સમય થયો છે. હજી આ ખલનાયકને ઘણું શીખવાનું બાકી છે. અત્યારે હજી ફિલ્મોમાં તેનો શૈશવકાળ ચાલી રહ્યો છે એમ કહી શકાય. ખલનાયકના અસલી કદ સુધી પહોંચવામાં આ નેતા ખલનાયકને હજી ઘણો સમય લાગશે.
નેતા ખલનાયકની શરૂઆત બહુ આશાજનક રહી નથી. તે પરંપરાગત ખલનાયકની નકલ કરતો હોય એવું લાગે છે. ગરીબોની ઝૂંપડપટ્ટીઓ સળગાવી નાખે, નૃત્ય-સંગીતનો આનંદ લેતો હોય. તેને હવાલાની એબીસીડી પણ આવડતી હોય એવું લાગતું નથી, તે કરોડોનાં કૌભાંડોથી બિલકુલ અપરિચિત હોવાનું જણાઈ રહ્યું છે. આ સ્તર સુધી પહોંચવા માટે તેણે હજી ઘણી મજલ કાપવાની બાકી છે. લગન, મહેનત અને ખાવા-પીવા-ચરવાની પ્રેક્ટિસ કરવી પડશે. આ નેતા ખલનાયકે અત્યારે આપણા નેતાઓ પાસેથી ઘણું શીખવાનું બાકી છે.
———–
નાયક જેવો ખલનાયક
નાયક જેવો ખલનાયક, નાયક અને ખલનાયકની ક્રોસ-બ્રીડ જેવો હોય છે. તે અનેક વખત કેટલાંક દૃશ્યોમાં નાયક પર ભારી પડે છે, પડદા પર તેના આગમન સાથે જ દર્શકો પાસે તાળીઓ પડાવી શકે છે. આવા ખલનાયકનો રોલ કરનારા કલાકારોને જતે દિવસે નાયક માટે પણ પ્રમોટ કરવામાં આવ્યા છે. આવા ખલનાયકોમાં વિનોદ ખન્ના અને શત્રુઘ્ન સિન્હાનાં નામ ગણાવી શકાય.
આ કલાકારોને તમે સાઈડ હીરો કહી ન શકો. સાઈડ હીરો કહેવું એ તેમના અપમાન સમાન છે. આવી જ રીતે તેમને ૨૪ કેરેટના ખલનાયક કહી શકો, કેમ કે તેમના રૂપેરી પડદે આગમન સાથે જ દર્શકો તાળીઓ વગાડતા હોય છે. આવી સ્થિતિમાં તેમને માટે નાયક જેવા ખલનાયક શબ્દોનો ઉપયોગ કર્યો છે. આગળ વધીને આ નાયક જેવા ખલનાયકોએ પ્રમોશન મેળવીને એન્ટિ-હીરોનું રૂપ લીધું હતું. આ રૂપમાં પણ તે ઘણો ખુશ જોવા મળ્યો હતો, કેમ કે હવે તે નાચી શકતો હતો, ગાઈ શકતો હતો, નાયકની જેમ જ સન્માન મેળવી શકતો હતો અને તે પણ બધાં ખરાબ કૃત્યો કરવા છતાં. (શબ્દાંકન: વિપુલ વૈદ્ય)ઉ
