લંડન: ઇગ્લેન્ડને વન-ડે વર્લ્ડકપમાં પ્રથમવાર ચેમ્પિયન બનાવનારા પૂર્વ કેપ્ટન ઈયોન મોર્ગને ક્રિકેટના તમામ ફોર્મેટમાથી નિવૃતિની જાહેરાત કરી હતી. તેણે ૧૩ ફેબ્રુઆરીએ નિવૃતિની જાહેરાત કરી હતી. જો કે, મોર્ગને ગયા વર્ષે જ આંતરરાષ્ટ્રીય ક્રિકેટમાંથી નિવૃત્તિ લીધી હતી પરંતુ તે ફ્રેન્ચાઇઝી ક્રિકેટ રમતો હતો. પરંતુ તે ફ્રેન્ચાઈઝી ક્રિકેટમાં પણ રમતો જોવા નહી મળે.
૩૬ વર્ષીય મોર્ગન તાજેતરમાં દક્ષિણ આફ્રિકાની ટી-૨૦ લીગમાં રમતો જોવા મળ્યો હતો. અહીં તેણે પાર્લ રોયલ્સ માટે કુલ ૭ મેચ રમી હતી. તે આ લીગમાં ફ્લોપ રહ્યો હતો. અગાઉ તે અબુ ધાબી ટી-૧૦માં ન્યૂયોર્ક સ્ટ્રાઈકર્સ અને ઈંગ્લેન્ડની ‘ધ હન્ડ્રેડ’ ટૂર્નામેન્ટમાં લંડન સ્પિરિટ તરફથી રમતો જોવા મળ્યો હતો. મોર્ગને એક નિવેદનમાં કહ્યું હતું કે હું ક્રિકેટના તમામ ફોર્મેટમાંથી નિવૃત્તિ જાહેર કરતાં ખૂબ જ ગર્વ અનુભવું છું. ઘણા વિચારણા કર્યા પછી હું માનું છું કે આ રમતથી દૂર જવાનો હવે યોગ્ય સમય છે જેણે મને વર્ષોથી ઘણું બધું આપ્યું છે.
ઇયોન મોર્ગન આયરલેન્ડનો ક્રિકેટર હતો. વર્ષ ૨૦૦૩માં તેણે આયરલેન્ડમા ઘરેલુ ક્રિકેટ રમવાનું શરૂ કર્યું. અહીં લિસ્ટ-એ અને ફર્સ્ટ ક્લાસ મેચમાં સારા પ્રદર્શન બાદ તેને આયરલેન્ડની ટીમમાં જગ્યા મળી હતી. મોર્ગને ઓગસ્ટ ૨૦૦૬માં આયરલેન્ડ તરફથી વન-ડેમાં ઘઉઈં ડેબ્યૂ કર્યું હતું. આ પછી થોડા વર્ષોમાં તેણે આયરલેન્ડને બદલે ઇંગ્લેન્ડ સાથે રમવાનું શરૂ કર્યું. તે ઈંગ્લેન્ડ માટે સારો ખેલાડી સાબિત થયો. તેણે પહેલીવાર વન-ડે વર્લ્ડકપમાં ઈંગ્લેન્ડને ચેમ્પિયન બનાવ્યું હતું.
ઇયોન મોર્ગને તેની આંતરરાષ્ટ્રીય કારકિર્દીમાં ત્રણેય ફોર્મેટમાં ૧૦,૦૦૦થી વધુ રન બનાવ્યા છે. ટેસ્ટ ક્રિકેટમાં તે ફ્લોપ રહ્યો હતો પરંતુ તેણે વન-ડે અને ટી-૨૦માં મહત્વની ઇનિંગ્સ રમી અને ટીમને જીત અપાવી છે. આંતરરાષ્ટ્રીય ક્રિકેટમાં તેના નામે ૧૬ સદી અને ૬૪ અડધી સદી છે. તેણે આઈપીએલમાં કોલકાતા નાઈટ રાઈડર્સની કેપ્ટનશીપ પણ કરી છે.ઉ
ઈંગ્લેન્ડ ક્રિકેટના પૂર્વ કેપ્ટન ઇયોન મોર્ગને ક્રિકેટના તમામ ફોર્મેટમાંથી લીધી નિવૃતિ
