બોલીવૂડનું સ્ટેજ હોય કે અન્ય કોઈ અભિનેત્રી, કંગના રનૌત તેના બિન્દાસ અને બેધડક શબ્દો માટે જાણીતી છે. તે કોઈપણ પ્રશ્નનો જવાબ પોતાની શૈલીમાં આપે છે. જ્યારે કંગના રનૌતને પૂછવામાં આવ્યું કે તે રાહુલ ગાંધી વિશે શું માને છે અને તે પીએમ મોદી સાથેની સ્પર્ધાને કેવી રીતે જુએ છે. તેના જવાબમાં કંગના રનૌતે કહ્યું કે પીએમ મોદી જેવા મહાપુરુષ ઈતિહાસમાં માત્ર એક કે બે વાર જ આવ્યા છે. જ્યાં સુધી રાહુલ ગાંધીનો સવાલ છે, તેઓ પોતાના સ્તરે પ્રયાસ કરી રહ્યા છે. કંગના રનૌતે કહ્યું કે એ દુઃખદ છે કે તેમની સામે વિરોધમાં પીએમ મોદી છે.
એક ખાનગી ન્યૂઝ ચેનલના એક કાર્યક્રમમાં સામેલ કંગના રનૌતે કહ્યું કે પીએમ મોદી માટે દુઃખની વાત છે કે રાહુલ ગાંધી તેમની સામે છે. આ સાથે જ રાહુલ માટે દુઃખની વાત છે કે નરેન્દ્ર મોદી તેમની સામે છે. વિરોધી ટક્કરનો મળે એ બહુ નસીબની વાત છે, પરંતુ પીએમ મોદીની સામે કોઈ નથી. PM મોદી કોઈ પણ વિરોધી વગર પોતાને ભવિષ્ય માટે તૈયાર કરે છે.
કંગના રનૌતને આમ આદમી પાર્ટી અને તેના ચીફ અરવિંદ કેજરીવાલને લગતો પ્રશ્ન પૂછવામાં આવ્યો હતો કે પાર્ટી ગુજરાતમાં મજબૂત લડાઈ લડી રહી છે અને હિમાચલમાં પણ તૈયારી કરી રહી છે. તેમની જીતવાની તકો શું છે. કંગના રનૌતે કહ્યું કે હિમાચલવાસીઓ કેજરીવાલના મફતના ઝાંસામાં આવે એવા નથી. તેઓ પોતાની વીજળી જાતે બનાવે છે. મોટાભાગના ઘરોમાં સોલાર પ્લાન્ટ છે. હિમાચલી મહિલાઓ શાકભાજી ઉગાડે છે, આત્મનિર્ભર છે, તેમને કંઈ મફત જોઈતું નથી. તેથી કેજરીવાલની મફત વીજળી સામે તેઓ વેચાઇ નહીં જાય. કંગના રનૌતે કહ્યું કે હિમાચલમાં કોંગ્રેસની સરકારમાં મજબૂત નેતાઓ છે. હિમાચલના લોકો સાથે જોડાણ મજબૂત હોવું જોઈએ.
કંગનાને જ્યારે સવાલ પૂછવામાં આવ્યો કે તમે બોલીવૂડમાં કોને તમારો વિરોધી માનો છો. જવાબમાં કંગનાએ કહ્યું કે મી Vs બોલિવૂડ.
બોલીવૂડ અભિનેત્રી કંગના રનૌતે કહ્યું કે તે જનહિતમાં યોગદાન આપવા તૈયાર છે. તમે રાજકારણમાં ક્યારે પ્રવેશ કરશો એવા પ્રશ્નના જવાબમાં કંગનાએ કહ્યું કે અત્યારે હું મારા કામમાં ખૂબ જ વ્યસ્ત છું અને ખુશ પણ છું. જો હિમાચલના લોકો ઈચ્છશે તો તે ચોક્કસ રાજકારણમાં આવશે અને તેમની સેવા કરશે.
PM મોદી અને રાહુલ ગાંધીમાં શું ફરક છે, કંગનાએ એક જ લાઈનમાં કહી દીધી આખી વાત
