દુનિયામાં દરેક વ્યક્તિને લાંબું આયુષ્ય જીવવાની ઈચ્છા હોય છે. પણ આ સુખ ખૂબ જ ચુનિંદા લોકોને પ્રાપ્ત થાય છે. આજે અમે અહીં કેટલીક એવી આદતો વિશે વાત કરવા જઈ રહ્યા છીએ કે જે તમારી આવરદા ઘટાડવામાં નિમિત્ત બને છે. જો તમને પણ આમાંથી કોઈ આદત હોય તો આજે જ આ આદત બંધ કરી દો. આવો જોઈએ કઈ છે આ આદતો…
ભગવાન અને શાસ્ત્રોની અવગણના
અમુક લોકો છે કે જેઓ ભગવાનમાં વિશ્વાસ નથી કરતાં કે ન શાસ્ત્રોમાં માને છે. આવી પરિસ્થિતિમાં જે-તે વ્યક્તિત એની અવગણના કરે છે. આવા લોકો નાસ્તિક રહે છે, ગુરુનું અપમાન કરે છે અને દુરાચારી બની રહે છે, તેમનું આયુષ્ય ખૂબ જ ટૂંકું હોય છે. જો તમને પણ આવી આદત હોય તો આજે જ આ આદતને તિલાંજલિ આપી દો…
ચંચળ હરકત-
કેટલાક લોકો તેમની સવારની શરૂઆત જ તેમના દાંત અને નખ ખોતરવાથી કરે છે. કેટલાક એવા હોય છે જેઓ પોતાના દિવસની શરૂઆત ખોટા અને અપવિત્ર આહારથી કરે છે. બિનજરૂરી પ્રવૃત્તિઓ જેવી કે કાગળ કે કપડું ફાડવું, બેસતી વખતે પગ હલાવવા વગેરે વગેરે… આ આદત પણ તમારી આવરદા ઘટાડવાનું કામ કરે છે.
સંધ્યાકાળે સૂવું કે ભોજન કરવું-
ઘણા લોકોને સાંજના સમયે ખાવાની કે સૂવાની આદત હોય છે. શાસ્ત્રોમાં જણાવવામાં આવ્યા અનુસાર જે વ્યક્તિ સંધ્યાકાળે ઊંઘે છે, ભોજન કરે છે, વ્યર્થ વાતો કરે છે કે પછી વ્યર્થ હરકત કરે છે, તેની આયુનો વિનાશ થાય છે. જે વ્યક્તિ સાંજે દેવ આરાધન, હરિ આરાધન, ભાગવત ચિંતન અને મંગલ વિધાન કરે છે, તેમનું આયુષ્ય ચોક્કસપણે વધે છે અને એમને આ લોક અને પરલોકમાં સુખની પ્રાપ્તિ થાય છે.
ગ્રહણ અથવા મધ્યાહને સૂર્યને જોવું-
જે વ્યક્તિ ગ્રહણ અથવા મધ્યાહ્ન દરમિયાન સૂર્યને જુએ છે, તેની ઉંમર પણ ઘટી જાય છે. આ સિવાય અમાસ, પૂર્ણિમા, ચતુર્દશી, અષ્ટમી અથવા એકાદશી જેવી પવિત્ર તિથિઓ પર પણ બ્રહ્મચર્ય પાળવું જોઈએ.
કઠોર શબ્દો બોલવા
એવા શબ્દો ક્યારેય ન બોલો કે જે બીજાનું મન દુખાવે. ‘બાણ કે કોઈ શસ્ત્રથી શરીરને ઈજા થાય તો દવાથી મટાડી શકાય છે, પરંતુ જ્યારે કોઈનું હૃદય નિંદાના રૂપી તીરથી વીંધાય છે ત્યારે તેને ઘણું દુઃખ થાય છે.’ શાસ્ત્રોમાં આવી ક્રિયાને મહાપાપ માનવામાં આવે છે અને તેના કારણે આવા લોકોની ઉંમર ટૂંકી થઈ જાય છે.
અન્યનો અવહેલના કે ઉપહાસ કરવો-
જો કોઈ વ્યક્તિ અંધ, નબળી, કુરૂપ અથવા ગરીબ હોય. આવા લોકો સાથે હંમેશા પ્રેમથી વાત કરો. ક્યારેય તેમની મજાક ઉડાવશો નહીં કે તેમની મજાક ઉડાવો નહીં. જે લોકો આવા પાપ કરે છે તેઓનું આયુષ્ય ઓછું થઈ જાય છે. આવા કાર્યો તમારા સારા કાર્યોનો નાશ કરે છે.
